2047-ഓടെ ഇന്ത്യയെ പൂർണ്ണമായും വികസിത രാജ്യമാക്കി മാറ്റുമെന്ന നിശ്ചയദാർഢ്യം ആവർത്തിച്ച് പ്രധാനമന്ത്രി നരേന്ദ്ര മോദി. മുഖ്യമന്ത്രിയായും പ്രധാനമന്ത്രിയായും ഭരണരംഗത്ത് 25 വർഷം പൂർത്തിയാക്കുന്നതിന്റെ ഭാഗമായി സംഘടിപ്പിച്ച ‘വികസിത് ഭാരത് സങ്കൽപ് സഭ’യിൽ സംസാരിക്കുകയായിരുന്നു അദ്ദേഹം. ഇന്ത്യയിൽ ഒളിംപിക്‌സ് സംഘടിപ്പിക്കുമെന്നും ആഗോള ഉൽപ്പാദന ഹബ്ബായി രാജ്യത്തെ മാറ്റുമെന്നും അന്തരീക്ഷത്തിലേക്ക് മനുഷ്യനെ അയക്കുന്ന ബഹിരാകാശ പദ്ധതികൾ കൃത്യമായി നടപ്പിലാക്കുമെന്നും അദ്ദേഹം വ്യക്തമാക്കി.
ഭരണരംഗത്ത് 25 വർഷം തികയ്ക്കാൻ സാധിച്ചതിൽ രാജ്യത്തെ ജനങ്ങൾക്ക് നന്ദി അറിയിച്ച പ്രധാനമന്ത്രി, താൻ ഒരിക്കലും വോട്ട് ബാങ്ക് രാഷ്ട്രീയം കളിച്ചിട്ടില്ലെന്ന് കൂട്ടിച്ചേർത്തു. സ്വാർത്ഥതയില്ലാത്ത പ്രവർത്തനവും കഠിനാധ്വാനവുമാണ് തന്റെ മതം. വോട്ടിന്റെ പേരിൽ സമൂഹത്തെ വിഭജിക്കുന്നതാണ് രാജ്യം നേരിടുന്ന ഏറ്റവും വലിയ വെല്ലുവിളിയെന്നും അദ്ദേഹം ചൂണ്ടിക്കാട്ടി. വിമാന പൈലറ്റ് സ്മിത് മച്ഛറിനെ വീണ്ടും പ്രശംസിച്ച മോദി, ഭാവിയിൽ ഇന്ത്യൻ നിർമ്മിത വിമാനങ്ങളെക്കുറിച്ച് ലോകം സംസാരിക്കുന്ന കാലം വരുമെന്നും അതിനായി 140 കോടി ജനങ്ങളുടെ പരിഹാരമാർഗ്ഗങ്ങളും കഠിനാധ്വാനവും കൂടെയുണ്ടെന്നും ഓർമ്മിപ്പിച്ചു. 2001-ൽ ഗുജറാത്ത് മുഖ്യമന്ത്രിയായി തുടക്കം കുറിച്ച മോദിയുടെ ഭരണനേട്ടങ്ങൾ ചൂണ്ടിക്കാട്ടി രാജ്യവ്യാപകമായ ആഘോഷപരിപാടികളാണ് ബി.ജെ.പി സംഘടിപ്പിക്കുന്നത്.
