പ്രിയദർശിനി പദ്ധതിയിൽ പ്രതിഷേധിച്ച് ചൊവ്വാഴ്ച മുതൽ നടത്താനിരുന്ന അനിശ്ചിതകാല സ്വകാര്യ ബസ് പണിമുടക്ക് പിൻവലിച്ചു. ഗതാഗത മന്ത്രി സി.പി. ജോണുമായി സ്വകാര്യ ബസുടമ പ്രതിനിധികൾ നടത്തിയ നിർണ്ണായക ചർച്ചയ്ക്ക് പിന്നാലെയാണ് സമരം പിൻവലിക്കാൻ ധാരണയായത്.
ബസുടമകളുടെ ആറ് സംഘടനകൾ ഉൾപ്പെട്ട സംയുക്ത സമരസമിതിയായിരുന്നു അനിശ്ചിതകാല പണിമുടക്കിന് ആഹ്വാനം ചെയ്തിരുന്നത്.
ചർച്ചയിൽ ഉയർന്നുവന്ന ആവശ്യങ്ങൾ പരിഹരിക്കാമെന്ന് സർക്കാർ ഉറപ്പുനൽകിയതോടെയാണ് സമരം പിൻവലിക്കാൻ സംയുക്ത സമരസമിതി തീരുമാനിച്ചത്. ബസ് പണിമുടക്ക് പിൻവലിച്ചതോടെ ചൊവ്വാഴ്ച മുതൽ ഉണ്ടാകുമായിരുന്ന യാത്രാദുരിതം ഒഴിവായി.
