സ്റ്റോക്‌ഹോം: ലോകമെമ്പാടുമുള്ള സാഹിത്യപ്രേമികൾ ആവേശത്തോടെ കാത്തിരിക്കുന്ന ഈ വർഷത്തെ സാഹിത്യത്തിനുള്ള നൊബേൽ പുരസ്കാരം വ്യാഴാഴ്ച പ്രഖ്യാപിക്കും. സ്വീഡിഷ് അക്കാദമിയാണ് സാഹിത്യ നൊബേൽ വിജയിയെ പ്രഖ്യാപിക്കുന്നത്.
വിവിധ മേഖലകളിലെ നൊബേൽ പുരസ്കാര പ്രഖ്യാപനങ്ങൾ ആരംഭിച്ചതോടെ ആഗോള തലത്തിൽ വലിയ പ്രതീക്ഷയാണുള്ളത്. വെള്ളിയാഴ്ച സമാധാനത്തിനുള്ള നൊബേൽ പുരസ്കാരവും വരുന്ന തിങ്കളാഴ്ച സാമ്പത്തിക ശാസ്ത്രത്തിനുള്ള നൊബേൽ പുരസ്കാരവും പ്രഖ്യാപിക്കും.
നോർവീജിയൻ നൊബേൽ കമ്മിറ്റിയാണ് സമാധാന നൊബേൽ വിജയിയെ തെരഞ്ഞെടുക്കുന്നത്.
സാഹിത്യ ലോകത്തെ ഏറ്റവും വലിയ ആദരവായ നൊബേൽ സമ്മാനം ഇത്തവണ ആർക്കാകും ലഭിക്കുക എന്നതിനെക്കുറിച്ചുള്ള ചർച്ചകളും പ്രവചനങ്ങളും ആഗോളതലത്തിൽ സജീവമായിക്കഴിഞ്ഞു.
