ഏറ്റുമാനൂർ : ഏറ്റുമാനൂർ പുന്നത്തറ വെസ്റ്റ് കുഴിയടി ശ്രീകൃഷ്ണസ്വാമി ക്ഷേത്രത്തിൽ ഭാഗവത സപ്താഹയജ്ഞം മേയ് 3 മുതൽ 10 വരെ നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു ,
പൈങ്ങോട് ശ്രീജിത്ത് ഗോവിന്ദൻ നമ്പൂതിരിയാണ് യജ്ഞാചാര്യൻ. മിഥുൻ അജിതൻ നമ്പൂതിരി, മേക്കാട് വാസുദേവൻ നമ്പൂതിരി എന്നിവരാണ് സഹആചാര്യന്മാർ.
മൂന്നിന് വൈകിട്ട് ആറിന് മള്ളിയൂർ ദിവാകരൻ നമ്പൂതിരി ഭദ്രദീപം തെളിയിക്കുകയും മാഹത്മ്യ പ്രഭാഷണം നടത്തുകയും ചെയ്യും . യജ്ഞശാലയിൽ എല്ലാദിവസവും രാവിലെ 6 .15ന്
വിഷ്ണു സഹസ്രനാമം, സമൂഹാർച്ചന , 8 .30 ന് പ്രഭാത ഭക്ഷണം , 9 മുതൽ ഭാഗവത പാരായണം പ്രഭാഷണം , ഉച്ചയ്ക്ക് 12 .30ന് ഉച്ചഭക്ഷണം , രണ്ടു മുതൽ 6. 30 വരെ ഭാഗവത പാരായണം പ്രഭാഷണം എന്നിവയുണ്ട് .
പത്രസമ്മേളനത്തിൽ എക്സിക്യൂട്ടീവ് കമ്മിറ്റി രക്ഷാധികാരി പ്രേംകുമാർ കുമാരമംഗലം, കൺവീനർ ഗിരീഷ് മണ്ണാലിൽ, കോർഡിനേറ്റർ എൻ. ബിനു കുമാർ , ദിനേശ് കെ. നമ്പൂതിരി തുടങ്ങിയവർ പങ്കെടുത്തു .
