മട്ടന്നൂർ ഷുഹൈബ് വധക്കേസിന്റെ വിചാരണ തലശ്ശേരി അഡീഷണൽ സെഷൻസ് കോടതിയിൽ നിന്ന് മറ്റൊരു കോടതിയിലേക്ക് മാറ്റണമെന്ന പ്രതികളുടെ ആവശ്യം കേരള ഹൈക്കോടതി തള്ളി. നിലവിലെ കോടതിയിൽ തന്നെ വിചാരണ തുടരാനാണ് ജസ്റ്റിസ് സി. എസ്. ഡയസിന്റെ നിർദേശം.
പ്രതിഭാഗത്തിന് സാക്ഷികളെ ക്രോസ് വിസ്താരം ചെയ്യാൻ പൂർണ്ണവും ന്യായവുമായ അവസരം ഉറപ്പാക്കണമെന്നും വിചാരണയിൽ ഇരുവിഭാഗത്തിന്റെയും ഫലപ്രദമായ പങ്കാളിത്തം ഉറപ്പുവരുത്തണമെന്നും കോടതി വ്യക്തമാക്കി. 2018-ലെ കേസായതിനാൽ വിചാരണ നടപടികൾ വേഗത്തിൽ പൂർത്തിയാക്കണമെന്നും ഹൈക്കോടതി നിർദേശിച്ചു.
