തിരുവനന്തപുരം: 2027-ലെ സർക്കാർ ഡയറിയുടെ കരട് പൊതുഭരണ വകുപ്പിന്റെ ഔദ്യോഗിക വെബ്സൈറ്റായ https://gad.kerala.gov.in-ൽ പ്രസിദ്ധീകരിച്ചു. ഡയറിയിൽ ഉൾപ്പെടുത്തിയിട്ടുള്ള വിവരങ്ങളുടെ കൃത്യത ഉറപ്പുവരുത്തി ആവശ്യമായ മാറ്റങ്ങളോ തിരുത്തലുകളോ ഉണ്ടെങ്കിൽ അവ ഇന്ന് (നവംബർ 20) വൈകിട്ട് അഞ്ച് മണിക്കകം അറിയിക്കണമെന്ന് പൊതുഭരണ വകുപ്പ് നിർദ്ദേശിച്ചു.
തിരുത്തലുകളും കൂട്ടിച്ചേർക്കലുകളും keralagovernmentdiary@gmail.com എന്ന ഇ-മെയിൽ വിലാസത്തിലേക്കാണ് അയക്കേണ്ടത്. നിശ്ചിത സമയപരിധിക്കുള്ളിൽ ലഭിക്കുന്ന വിവരങ്ങൾ പരിശോധിച്ച ശേഷമായിരിക്കും ഡയറിയുടെ അന്തിമ രൂപം തയ്യാറാക്കുക.
















