പൾസ് പോളിയോ ഇമ്മ്യൂണൈസേഷൻ പരിപാടിയുടെ ഭാഗമായി കോട്ടയം ജില്ലയിൽ 79,612 കുട്ടികൾക്ക് പോളിയോ പ്രതിരോധ തുള്ളിമരുന്ന് നൽകി. ജില്ലയിൽ അഞ്ച് വയസ്സിൽ താഴെയുള്ള 85,277 കുട്ടികൾക്ക് വാക്സിൻ നൽകാനാണ് ആരോഗ്യവകുപ്പ് ലക്ഷ്യമിട്ടിരുന്നത്. ഇതിലൂടെ 93.95 ശതമാനം നേട്ടം കൈവരിക്കാൻ ജില്ലയ്ക്കായി.
പോളിയോ തുള്ളിമരുന്ന് വിതരണത്തിന്റെ ജില്ലാതല ഉദ്ഘാടനം കോട്ടയം ജനറൽ ആശുപത്രിയിൽ നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ നിർവ്വഹിച്ചു. ചടങ്ങിൽ അഡ്വ. ഫ്രാൻസിസ് ജോർജ് എം.പി അധ്യക്ഷത വഹിച്ചു. കോട്ടയം നഗരസഭാ അധ്യക്ഷൻ എം.പി. സന്തോഷ് കുമാർ, ജില്ലാ
പഞ്ചായത്ത് ആരോഗ്യ സ്ഥിരം സമിതി അധ്യക്ഷൻ പി.കെ. വൈശാഖ്, നഗരസഭാ ആരോഗ്യ സ്ഥിരം സമിതി അധ്യക്ഷൻ സാലി മാത്യു, നഗരസഭാംഗം ജോൺ വർഗീസ്, ജില്ലാ മെഡിക്കൽ ഓഫീസർ ഡോ. എൻ. പ്രിയ, റോട്ടറി ക്ലബ് പ്രതിനിധികളായ അനു കുര്യൻ, പി.പി. മാത്യു എന്നിവർ ചടങ്ങിൽ പങ്കെടുത്തു.
ബൂത്തുകളിലെത്തി തുള്ളിമരുന്ന് സ്വീകരിക്കാൻ കഴിയാത്ത കുട്ടികൾക്ക് ഇന്നും നാളെയും (നവംബർ 23, 24 തീയതികളിൽ) ആരോഗ്യ പ്രവർത്തകർ വീടുകളിലെത്തി പ്രതിരോധ തുള്ളിമരുന്ന് നൽകും.
















