സംസ്ഥാനത്ത് ഇന്നും നാളെയും ഒറ്റപ്പെട്ട ഇടങ്ങളിൽ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. മഴ കനക്കുന്ന സാഹചര്യത്തിൽ ഇന്ന് മലപ്പുറം, കോഴിക്കോട്,
വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചു. നാളെ നാല് ജില്ലകളിലും യെല്ലോ അലർട്ട് നിലവിലുണ്ട്. വേനൽമഴ സജീവമാകുന്നതോടെ സംസ്ഥാനത്ത് തുടരുന്ന കടുത്ത ചൂടിന് വലിയ ശമനമുണ്ടാകുമെന്നാണ് പ്രതീക്ഷിക്കുന്നത്.
അതേസമയം, ഉയർന്ന താപനിലയെ തുടർന്ന് രൂക്ഷമായ വൈദ്യുതി പ്രതിസന്ധിക്കും ആശ്വാസമാകുന്നു. ഇന്ന് പുലർച്ചെ മുതൽ 150 മെഗാവാട്ട് വൈദ്യുതി കേന്ദ്രവിഹിതമായി അധികമായി ലഭ്യമായിത്തുടങ്ങി. മഴയും അധിക വൈദ്യുതി ലഭ്യതയും ഒരുമിച്ച് എത്തിയത് സംസ്ഥാനത്തെ നിലവിലെ പ്രതിസന്ധിക്ക് വലിയ ആശ്വാസമാണ് നൽകുന്നത്.
