സഹകരണ ബാങ്കിലെ അംഗത്തിന് ബാങ്കുമായി ബന്ധപ്പെട്ട രേഖകൾ പരിശോധിക്കാനും വിവരങ്ങൾ അറിയാനും അവകാശമുണ്ടെന്ന് സുപ്രീം കോടതി. മുപ്പത്തടം സർവീസ് കോ-ഓപ്പറേറ്റീവ് ബാങ്കിലെ
അംഗമായ പി.ആർ. രാമചന്ദ്രൻ നൽകിയ ഹർജിയിലാണ് ജസ്റ്റിസുമാരായ ജെ.ബി. പർദിവാല, കെ. വിനോദ് ചന്ദ്രൻ എന്നിവരടങ്ങിയ ബെഞ്ചിന്റെ നിർണ്ണായക ഉത്തരവ്.
ബാങ്കും ലേബർ കോ-ഓപ്പറേറ്റീവ് സൊസൈറ്റിയും തമ്മിലുള്ള കെട്ടിട നിർമ്മാണ കരാറിന്റെ പകർപ്പും, ബാങ്കിന്റെ അവസാന ജനറൽ ബോഡി യോഗത്തിന്റെ മിനിറ്റ്സുമായിരുന്നു ഹർജിക്കാരൻ ആവശ്യപ്പെട്ടിരുന്നത്. ബാങ്ക് പൊതു അതോറിറ്റിയല്ലെന്ന് വാദിച്ച് രേഖകൾ നിഷേധിച്ചതിനെ തുടർന്നാണ് കേസ് സുപ്രീം കോടതിയിലെത്തിയത്.
