കോട്ടയം: കോർവ (CORWA) കോട്ടയം ജില്ലാ കമ്മറ്റിയുടെ ഈ വർഷത്തെ ഓണാഘോഷ പരിപാടികൾ മാഞ്ഞൂർ പഞ്ചായത്തിലെ ഭിന്നശേഷിക്കാരായ സ്ത്രീകൾ താമസിക്കുന്ന സാൻജോ ഭവനിൽ വെച്ച് നടന്നു. ജലവിഭവ ഭവന നിർമ്മാണ വകുപ്പുമന്ത്രി അഡ്വ. മോൻസ് ജോസഫ് ആഘോഷപരിപാടികളുടെ ഉദ്ഘാടനം നിർവ്വഹിച്ചു.
കോർവ ജില്ലാ പ്രസിഡന്റ് ഒ. ആർ. ശ്രീകുമാർ അധ്യക്ഷത വഹിച്ച യോഗത്തിൽ ജനറൽ സെക്രട്ടറി പി. ചന്ദ്രകുമാർ, വർക്കിംഗ് പ്രസിഡന്റ് കെ. സി. ഉണ്ണിക്കൃഷ്ണൻ, ട്രഷറർ സജിത് ബാബു, കെ. ആർ. ഉണ്ണിക്കൃഷ്ണൻ, കോർവ ജില്ലാ ഓർഗനൈസിങ് സെക്രട്ടറി ബിജോ കൃഷ്ണൻ, രക്ഷാധികാരി ബി. രാജീവ്, സുജ എസ്. നായർ, ത്രേസ്യാമ്മ ജോൺ, പുഷ്പ ശ്രീപ്രകാശ്, ഐഷ എം. തുടങ്ങിയവർ പങ്കെടുത്തു സംസാരിച്ചു.
ആഘോഷങ്ങളുടെ ഭാഗമായി സാൻജോ ഭവനിലെ ഭിന്നശേഷിക്കാരായ അന്തേവാസികൾക്ക് ഓണക്കോടിയും വിഭവസമൃദ്ധമായ ഓണസദ്യയും വിതരണം ചെയ്തു. മാതൃകാപരമായ ജീവകാരുണ്യ പ്രവർത്തനം കാഴ്ചവെച്ച കോർവ ഭാരവാഹികളെ മന്ത്രിയും ജനപ്രതിനിധികളും ചടങ്ങിൽ അഭിനന്ദിച്ചു.
