തെക്കേ അമേരിക്കൻ രാജ്യമായ വെനിസ്വേലയിൽ കെനിയയിൽ നിന്നുള്ള മിഷ്ണറി വൈദികനെ കൊല്ലപ്പെട്ട നിലയിൽ കണ്ടെത്തി
![](https://pala.vision/wp-content/uploads/2024/01/News-2024-01-06-09_07_04.jpg)
മൊണഗാസ് സംസ്ഥാനത്തെ ഗ്വാര പട്ടണത്തിൽ ജനുവരി 1 തിങ്കളാഴ്ച കാണാതായ ഇൻസ്റ്റിറ്റ്യൂട്ട് ഓഫ് കൺസോളറ്റ മിഷ്ണറീസ് (ഐഎംസി) അംഗമായ ഫാ. ജോസിയ ആസാ കോകലിനെയാണ് മരിച്ച നിലയിൽ കണ്ടെത്തിയത്. ജനുവരി 2 ചൊവ്വാഴ്ച രാവിലെ വനത്തിൽ നിന്നാണ് മൃതദേഹം കണ്ടെത്തിയതെന്ന് പോലീസ് പറഞ്ഞു.
ജനുവരി 1ന് രാവിലെ 9 മണിയോടെ ടുക്കുപിറ്റ മുനിസിപ്പാലിറ്റിയിലെ പലോമ സെക്ടറിലുള്ള തന്റെ വസതിയിൽ നിന്ന് വൈദികൻ സൈക്കിളിൽ പുറപ്പെട്ടതാണെന്നു ദൃക്സാക്ഷികൾ മൊഴി നല്കിയിട്ടുണ്ട്. രാവിലെ 11 മണിയോടെ കാണാതാവുന്നതിന് മുമ്പ് ദേശീയ പാതയുടെ ഒരു ഭാഗത്തുള്ള ജനോകോസെബെ സെറ്റിൽമെന്റിലെ താമസക്കാരെ അദ്ദേഹം സന്ദർശിച്ചതായും സ്ഥിരീകരണമുണ്ട്. പിന്നീട് എന്ത് സംഭവിച്ചുവെന്നതാണ് അവ്യക്തമായി തുടരുന്നത്.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/IQxWMj8ftCQ3njOB5QBPG5
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision