കേസുകളിൽ പ്രതിയായി പൊലീസിനെ വെട്ടിച്ച് ഒളിവിൽ കഴിയുന്ന അർജുൻ ആയങ്കിയെ പിടികൂടുന്നതുമായി ബന്ധപ്പെട്ട് പ്രതികരണവുമായി കെ. മുരളിധരൻ. അർജുൻ ആയങ്കിയുടെ കാര്യം പോലീസ് നോക്കിക്കൊള്ളുമെന്നും പിടിക്കേണ്ട സമയത്ത് ഇയാളെ പിടികൂടുമെന്നും അദ്ദേഹം പറഞ്ഞു. എത്രനാൾ ഇയാൾക്ക് ഇത്തരത്തിൽ മുങ്ങി നടക്കാൻ കഴിയുമെന്നും മുരളിധരൻ ചോദിച്ചു.
അതേസമയം, ശബരിമല നെയ്യ് ക്രമക്കേടുമായി ബന്ധപ്പെട്ട അന്വേഷണം ക്രൈംബ്രാഞ്ച് സ്പെഷ്യൽ ടീമിന് കൈമാറും. ദേവസ്വം വിജിലൻസ് കമ്മീഷണറുടെ കത്ത് ലഭിച്ചാലുടൻ അന്വേഷണം ക്രൈംബ്രാഞ്ചിന് വിടാനാണ് തീരുമാനം. ഭക്തജനങ്ങളുടെ പണം കവർന്നവരെ സർക്കാർ വെറുതെ വിടില്ലെന്നും അദ്ദേഹം പറഞ്ഞു. ഒപ്പം, കാണാതായ മത്സ്യത്തൊഴിലാളികളെ കണ്ടെത്തുന്നതിനായി മുഖ്യമന്ത്രിയുടെയും ഫിഷറീസ് മന്ത്രിയുടെയും നേതൃത്വത്തിൽ കൃത്യമായ നടപടികൾ പുരോഗമിക്കുകയാണെന്നും മുരളിധരൻ കൂട്ടിച്ചേർത്തു.
