📰👉 ഇസ്രയേൽ പാർലമെന്റിലേക്കുള്ള തിരഞ്ഞെടുപ്പിൽ അരനൂറ്റാണ്ടിനിടയിലെ ഏറ്റവും ഉയർന്ന പോളിങ്. ഉച്ചയ്ക്ക് രണ്ട് മണിവരെയുള്ള കണക്കുകൾ പ്രകാരം 44.9 ശതമാനം വോട്ടർമാർ പോളിങ് ബൂത്തുകളിലെത്തി വോട്ട് രേഖപ്പെടുത്തി
📰👉 ഒരു പാർട്ടിയുടെ സ്ഥാനാർഥിയായി വിജയിച്ചശേഷം മറ്റൊരു പാർട്ടിയിൽ ചേർന്നു മത്സരിക്കുന്നതിനായി രാജിവയ്ക്കുന്ന ജനപ്രതിനിധികളിൽനിന്ന് ഉപതെരഞ്ഞെടുപ്പിന്‍റെ ചെലവ് ഈടാക്കാനാകുമോയെന്നു പരിശോധിക്കാൻ സുപ്രീംകോടതി തീരുമാനിച്ചു.
📰👉 പെട്രോളിൽ എഥനോൾ ചേർക്കുന്നത് നിലവിലുള്ള 20 ശതമാനത്തിൽ കൂടുതൽ ഉയർത്താൻ കേന്ദ്ര സർക്കാരിന് നിലവിൽ പദ്ധതിയില്ലെന്ന് വ്യക്തമാക്കി കേന്ദ്ര പെട്രോളിയം മന്ത്രി ഹർദീപ് സിങ് പുരി. സൗത്ത് ഗോവയിൽ നടന്ന 29-ാമത് എനർജി ടെക്നോളജി ആന്റ് ഇന്നൊവേഷൻ മീറ്റിൽ സംസാരിക്കവെയാണ് മന്ത്രി ഇക്കാര്യം അറിയിച്ചത്.
📰👉 ആശുപത്രികളുടെ നിലനിൽപ്പിന്‍റെ പേരിൽ രോഗികളിൽനിന്ന് മരുന്നുകൾക്കും മറ്റു മെഡിക്കൽ സേവനങ്ങൾക്കും അമിതവില ഈടാക്കുന്ന രീതി ന്യായീകരിക്കാനാകില്ലെന്ന് സുപ്രീംകോടതി.
📰👉 സംസ്ഥാനത്തെ സ്വകാര്യ ബസ്സുകൾ സമരത്തിലേക്ക്. നവംബർ മൂന്നിനകം അനുകൂല തീരുമാനം കൈക്കൊണ്ടില്ലെങ്കിൽ ബസ് സർവീസുകൾ നിർത്തിവെച്ച് അനിശ്ചിതകാല സമരത്തിലേക്ക് നീങ്ങുമെന്ന് വിവിധ ബസ്സുടമ സംഘടനകൾ അറിയിച്ചു.
📰👉 എംസി റോഡ് വികസനത്തിന് ആയിരം ഹെക്ടറിലേറെ സ്വകാര്യ ഭൂമിയേറ്റെടുക്കണമെന്നും ഇതിന് 5,000 കോടിയിലേറെ രൂപ ചെലവുണ്ടാകുമെന്നും മന്ത്രി പി.കെ. ബഷീർ നിയമസഭയിൽ പറഞ്ഞു.
📰👉 റിസർവ് ബാങ്ക് റിപ്പോ നിരക്ക് വർധിപ്പിച്ചതിനു പിന്നാലെ ബാങ്കുകൾ സ്ഥിരനിക്ഷേപ പലിശ കൂട്ടിത്തുടങ്ങി. റിപ്പോ നിരക്ക് 5.25 ശതമാനത്തിൽനിന്ന് 5.50 ശതമാനമായാണ് വർധിപ്പിച്ചത്. ഐ.സി.ഐ.സി.ഐ. ബാങ്കും ഇന്ത്യൻ ബാങ്കും വർധിപ്പിച്ച പലിശ ഒക്ടോബർ 23 മുതൽ പ്രാബല്യത്തിലായി.
📰👉 ബംഗാള്‍ ഉള്‍ക്കടലിൽനിന്ന് തുടങ്ങി അതിതീവ്ര ചുഴലിക്കാറ്റായി രൂപംമാറിയ അര്‍ണബിനെ നേരിടാൻ ആന്ധ്ര, ഒഡീഷ സംസ്ഥാനങ്ങളിൽ വ്യാപക മുന്നൊരുക്കങ്ങൾ.
📰👉 ഇന്ത്യൻ ഓഹരി വിപണിയിൽനിന്ന് വിദേശ പോർട്ട്ഫോളിയോ നിക്ഷേപകർ വൻതോതിൽ പണം പിൻവലിക്കുന്ന സാഹചര്യത്തിൽ മൂലധന നേട്ട നികുതിയും ഓഹരി ഇടപാട് നികുതിയും പിൻവലിച്ചേക്കും
📰👉 ഇസ്രായേൽ പാർലമെന്റ് തിരഞ്ഞെടുപ്പിൽ ഒരു മുന്നണിക്കും കേവലഭൂരിപക്ഷം ലഭിക്കില്ലെന്ന് എക്സിറ്റ് പോൾ ഫലങ്ങൾ. പ്രധാനമന്ത്രി ബെഞ്ചമിൻ നെതന്യാഹുവിന്റെ ലിക്യുഡ് പാർട്ടി ഏറ്റവും വലിയ ഒറ്റക്കക്ഷിയാകുമെങ്കിലും, ഭരണം പിടിക്കാൻ ആവശ്യമായ സീറ്റുകൾ സമാഹരിക്കുന്നതിൽ നെതന്യാഹുവിന്റെ സഖ്യവും പ്രതിപക്ഷ മുന്നണിയുംഒരുപോലെ പരാജയപ്പെടുമെന്നാണ് പ്രവചനം.
