കോട്ടയം: തിരുവനന്തപുരത്ത് വെച്ച് നടന്ന് സമാപിച്ച 23-ാമത് സംസ്ഥാന എം.ടി.ബി. (മൗണ്ടൻ ബൈക്കിംഗ്) ചാമ്പ്യൻഷിപ്പിൽ ഉജ്ജ്വല നേട്ടവുമായി കീർത്തന തെരേസ തലോടി. അണ്ടർ-18 ഗേൾസ് വിഭാഗത്തിൽ ടൈം ട്രയൽ, മാസ് സ്റ്റാർട്ട് എന്നീ രണ്ട് പ്രധാന ഇനങ്ങളിലും ഒന്നാം സ്ഥാനം നേടി കീർത്തന ഡബിൾ സ്വർണ്ണം കരസ്ഥമാക്കി.
കോട്ടയം മാൻവെട്ടം തലോടിയിൽ സുമം – ജോൺ ദമ്പതികളുടെ മകളാണ് കീർത്തന തെരേസ തലോടി. സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള പ്രമുഖ താരങ്ങളോട് മത്സരിച്ചാണ് കീർത്തന നേട്ടം കൊയ്തത്. സെപ്റ്റംബർ 5, 6 തീയതികളിലാണ് തിരുവനന്തപുരത്ത് ചാമ്പ്യൻഷിപ്പ് സംഘടിപ്പിച്ചത്.
