അരുവിത്തുറ : കെസിവൈഎം സംസ്ഥാന സമിതിയുടെ നേതൃത്വത്തിൽ ലോകസമാധാനത്തിനായി കുരിശുമല തീർത്ഥാടനം പാലാ രൂപതയുടെ ആഭിമുഖ്യത്തിൽ അരുവിത്തുറ വല്യച്ചൻ മലയിലേക്ക് നടത്തി.
ഏപ്രിൽ 9 വൈകുന്നേരം 4 മണിക്ക് അരുവിത്തുറ തീർത്ഥാടന കേന്ദ്രത്തിൽ വിശുദ്ധ കുർബാനയോടെ ആരംഭിക്കുന്ന തീർത്ഥാടനം പാലാ രൂപതാ മെത്രാൻ അഭിവന്ദ്യ മാർ ജോസഫ് കല്ലറങ്ങാട്ട് സന്ദേശവും, ആശീർവാദവും നൽകി.
കെസിവൈഎം സംസ്ഥാന പ്രസിഡന്റ് ഷിജോ ഇടയാടിലിന്റെ നേതൃത്വത്തിൽ കേരളത്തിലെ 32 രൂപതയിൽ നിന്നുള്ള യുവജനങ്ങൾ തീർത്ഥാടനത്തിൽ പങ്കാളികളായി. ഡയറക്ടർ ഫാ. സ്റ്റീഫൻ ചാലക്കര, ജനറൽ സെക്രട്ടറി ബിച്ചു കുര്യൻ തോമസ്, സെലിൻ ഡേവിഡ്, ജിബിൻ ഗബ്രിയേൽ, ഷിജോ നിലയ്ക്കപിള്ളി, സ്മിത ആന്റണി, തുഷാര തോമസ്, ലിനു വി ഡേവിഡ്,സി. റോസ് മെറിൻ SD, എസ് എം വൈ എം – കെ സി വൈ എം പാലാ രൂപതാ ഡയറക്ടർ ഫാദർ മാണി കൊഴുപ്പൻകുറ്റി , പാലാ രൂപത എസ് എം വൈ എം പ്രസിഡന്റ് ജോസഫ് സെബാസ്റ്റ്യൻ, ജനറൽ സെക്രട്ടറി ഡിബിൻ ഡൊമിനിക്,വൈസ് പ്രസിഡൻറ് റിറ്റു റെജി ,എഡ്വിൻ ജോഷി,ടോണി ജോസഫ് ,മെറിൻ തോമസ്,ലിയ തെരേസ,ലിയോൺസ് സായ് എന്നിവർ പരിപാടികൾക്ക് നേതൃത്വം കൊടുത്തു.
