📰👉 വോട്ടർപട്ടികയിൽ പേര് ചേർക്കുന്നതിനും മാറ്റങ്ങൾ വരുത്തുന്നതിനുമുള്ള നിർദിഷ്‌ട ഫോമുകളിൽ (ഫോം 6,7,8) സ്വന്തം നിലയ്ക്കു മാറ്റം വരുത്താൻ തെരഞ്ഞെടുപ്പു കമ്മിഷന് യാതൊരുവിധ അധികാരവുമില്ലെന്ന് സുപ്രീംകോടതി.
📰👉 ഒന്നുമുതൽ പത്തുവരെ ക്ലാസുകളിൽ അധ്യാപകരാകാൻ കെ-ടെറ്റ് നിർബന്ധമാക്കിയതിൽ സർക്കാർ സുപ്രീംകോടതിയിൽ വ്യക്തതാ ഹർജി നൽകുമെന്ന് മന്ത്രി എൻ. ഷംസുദ്ദീൻ നിയമസഭയിൽ പറഞ്ഞു. ഉത്തരവുണ്ടായ 2010 ഓഗസ്റ്റിനു മുന്പ് നിയമിതരായവർക്കുള്ള ഇളവ് അതിനുശേഷം നിയമിച്ചവർക്കും ലഭ്യമാക്കണമെന്ന് സർക്കാർ സുപ്രീംകോടതിയിൽ ആവശ്യപ്പെടും.
📰👉 എൽഡിഎഫ് സർക്കാർ കൊണ്ടുവന്ന ഏക കിടപ്പാട സംരക്ഷണ നിയമത്തിന് കേന്ദ്ര സർക്കാരിന്‍റെ സർഫാസി ആക്ടിനെ മറികടക്കാനാകില്ലെന്നു മുഖ്യമന്ത്രി വി.ഡി. സതീശൻ നിയമസഭയിൽ പറഞ്ഞു.
📰👉 പൊലിസ് സേനയിലെ വനിതാ പ്രാതിനിധ്യം 30 ശതമാനമാക്കാൻ മന്ത്രിസഭാ യോഗം തീരുമാനിച്ചു. ഇനിമുതൽ 100 സിവിൽ പൊലിസിനെ റിക്രൂട്ട് ചെയ്യുന്പോൾ 30 പേർ വനിതകളായിരിക്കും.
📰👉 ചങ്ങനാശേരി അതിരൂപതയിലെ പാറേൽ മരിയൻ തീർത്ഥാടന കേന്ദ്രത്തെ ബസിലിക്ക പദവിയിലേക്ക് വത്തിക്കാന്‍ ഉയർത്തി. ഇനി മുതൽ “മർത്ത് മറിയം ഇമ്മാക്കുലേറ്റ് കൺസെപ്ഷൻ ഷ്രൈൻ ബസിലിക്ക” (Marth Mariam Immaculate Conception Shrine Basilica) എന്ന പേരിലാകും ദേവാലയം അറിയപ്പെടുക.
📰👉 പ്രധാനമന്ത്രി കിസാൻ സമ്മാൻ നിധിയുടെ (പിഎം-കിസാൻ) ഇരുപത്തിനാലാം ഗഡു നാളെ കർഷകരുടെ അക്കൗണ്ടിലെത്തും രാജ്യത്തെ 9.34 കോടി കർഷക കുടുംബങ്ങളാണ് പിഎം കിസാൻ സഹായം ഏറ്റുവാങ്ങുന്നത്.
📰👉 ബംഗാൾ ഉൾക്കടലിൽ രൂപംകൊണ്ട ‘അർണാബ്’ ചുഴലിക്കാറ്റ് കരതൊട്ടതോടെ ആന്ധ്രാപ്രദേശ്, യാനം തീരദേശ മേഖലകളിൽ വൻനാശം ചുഴലിക്കാറ്റിനെത്തുടർന്നുണ്ടായ ശക്തമായ കാറ്റിലും മഴയിലും ആന്ധ്രാപ്രദേശിൽ മൂന്ന് മരണങ്ങൾ റിപ്പോർട്ട് ചെയ്തു.
📰👉 കിഫ്ബിയിൽ ഉയർന്ന ക്രമക്കേട് ആരോപണങ്ങളിൽ വിജിലൻസ് അന്വേഷണം നടത്താൻ സർക്കാർ. മന്ത്രിസഭാ യോഗത്തിലാണ് തീരുമാനം
📰👉 ആസൂത്രണ ബോർഡ് പരീക്ഷാ ക്രമക്കേടുമായി ബന്ധപ്പെട്ട കേസിൽ പി.എസ്.സി. മുൻ ഡെപ്യൂട്ടി സെക്രട്ടറി പി. സതീഷിനെ ക്രൈംബ്രാഞ്ച് അറസ്റ്റ് ചെയ്തു.
📰👉 കര്‍ണ്ണാടകയില്‍ നാല് എംഎല്‍സി സീറ്റുകളിലേക്ക് ബാലറ്റ് പേപ്പര്‍ ഉപയോഗിച്ച് നടത്തിയ തെരഞ്ഞെടുപ്പില്‍ നാല് സീറ്റിലും ബിജെപി സഖ്യമാണ് ജയിച്ചത്.
