സര്ക്കാര് ആശുപത്രികളില് സംഘടനകളുടെ കൊടിയും ബാനറും കെട്ടിയുള്ള ഭക്ഷണവിതരണം അനുവദിക്കില്ലെന്ന നിലപാടില് മലക്കം മറിഞ്ഞ് ആരോഗ്യമന്ത്രി കെ മുരളീധരന്. ആശുപത്രികളില് രോഗികള്ക്ക് ആഹാരം കൊടുക്കുന്നതിന് സര്ക്കാര് എതിരല്ല. ഇപ്പോഴത്തെ വിവാദം ആലപ്പുഴ മെഡിക്കല് കോളജുമായി ബന്ധപ്പെട്ടതാണെന്നും അതിനെ പൊതുവായി
വ്യാഖ്യാനിക്കേണ്ടതില്ലെന്നുമാണ് വിശദീകരണം. നേരത്തെ മന്ത്രിയുടെ പ്രതികരണത്തില് വലിയ പ്രതിഷേധം ഉയര്ന്നിരുന്നു. ഇപ്പോഴത്തെ വിവാദം ആലപ്പുഴ മെഡിക്കല് കോളജുമായി ബന്ധപ്പെട്ടതാണ്. അവിടുത്തെ സാഹചര്യത്തിന് അനുസരിച്ചുള്ള തീരുമാനമാണ് കഴിഞ്ഞ ദിവസം പറഞ്ഞത്. അതിനെ പൊതുവായി വ്യാഖ്യാനിക്കേണ്ടതില്ല. ആലപ്പുഴയില് ചില സംഘടനകള്
ഭക്ഷണം നല്കുന്നതിന്റെ പേരില് സംഘടിതമായി സ്ഥലം കൈയേറി. ഇത് അംഗീകരിക്കാനാകില്ല. സ്ഥലം കൈയ്യേറിയതിനാണ് എതിര്പ്പ്, ആഹാരം കൊടുക്കുന്നതിനല്ല. ആശുപത്രിയുടെ വികസന പ്രവര്ത്തനങ്ങളെ തടയുന്ന നടപടിയാണിത്. ഈ സാഹചര്യത്തിലാണ് ഇത്തരം സംഭവങ്ങള് ആവര്ത്തിക്കാതിരിക്കാന് ഈ മേഖലയില് സര്ക്കാര് ഇടപെടല് നടത്തുന്നത് – അദ്ദേഹം വ്യക്തമാക്കി.
