രാമപുരം: വാഴ്ത്തപ്പെട്ട കുഞ്ഞച്ചൻ ദൈവസ്നേഹം വാക്കുകളിലൂടെ പ്രഘോഷിക്കുകയല്ല, മറിച്ച് സ്വന്തം പ്രവർത്തികളിലൂടെ ലോകത്തിന് കാണിച്ചുതന്ന പുരോഹിതനായിരുന്നു എന്ന് റവ. ഡോ. ജോസഫ് മുത്തനാട്ട് പറഞ്ഞു.
സുവിശേഷത്തിന്റെ മുഖ്യ സത്തയായ സ്നേഹവും കരുണയും പ്രവർത്തനങ്ങളിൽ കാട്ടി, തന്റെ ആടുകൾക്കായി ജീവിച്ച നല്ലൊരു ഇടയനാകാൻ കുഞ്ഞച്ചന് കഴിഞ്ഞു. ദൈവം ഏൽപ്പിച്ച ദൗത്യം പൂർണ്ണതയിൽ പൂർത്തിയാക്കി ദൈവത്തെ മഹത്വപ്പെടുത്തുവാൻ അദ്ദേഹത്തിന് സാധിച്ചെന്നും വിശുദ്ധ കുർബാന മധ്യേ നൽകിയ സന്ദേശത്തിൽ അദ്ദേഹം വ്യക്തമാക്കി.
തുടർന്ന് വൈകുന്നേരം 4:30-ന് റവ. ഡോ. ജോസഫ് കുറ്റിയാങ്കൽ വിശുദ്ധ കുർബാന അർപ്പിച്ച് സന്ദേശം നൽകി.
