അനുദിന വചന വിചിന്തനം | നോമ്പ് ആറാം തിങ്കൾ | 04 . 04 . 2022
(വി.മത്തായി :12:15-21)
ദൈവം തിരഞ്ഞെടുത്ത ദാസൻ. തന്റെ ഈ ലോകദൗത്യത്തെ കുറിച്ചുള്ള വ്യക്തമായ ധാരണ അവനുണ്ടായിരുന്നു.
പിതാവ് തന്നെ ഏൽപ്പിച്ചിരിക്കുന്ന വിളിയും ദൗത്യവും ക്രിസ്തു തിരിച്ചറിഞ്ഞു.
ചതഞ്ഞ ഞാങ്ങണ ഒടിക്കയോ പുകഞ്ഞ തിരിയെ കെടുത്തുകയോ ചെയ്യുന്നില്ല എന്നാണവന്റെ വിശേഷണം.ബലമില്ലാത്തവയെയും ബലമറ്റവയെയും കൂടുതൽ താഴ്ചയിലേക്ക് അവൻ കടത്തിവിടില്ല എന്ന് സാരം.പ്രകാശമറ്റു തുടങ്ങിയവയ്ക്ക് പ്രകാശം പകരുവാനെ അവന് കഴിയൂ .
നോമ്പ് ചതഞ്ഞവയെ ബലപ്പെടുത്താനും പ്രകാശമറ്റവയെ ഉജ്ജ്വലിപ്പിക്കാനും നമ്മെ പ്രാപ്തരാക്കട്ടെ.
