കാവുംകണ്ടം: ചെറുപുഷ്പ മിഷൻ ലീഗ് കാവുംകണ്ടം ശാഖയുടെ ആഭിമുഖ്യത്തിൽ ഒക്ടോബർ 2 ഞായറാഴ്ച കാവുംകണ്ടം പാരീഷ് ഹാളിൽ വച്ച് വിശുദ്ധ കൊച്ചുത്രേസ്യ അനുസ്മരണ സമ്മേളനം നടത്തും. അനൂജ ജോസഫ് വട്ടപ്പാറക്കൽ മീറ്റിങ്ങിൽ അധ്യക്ഷത വഹിക്കും. ആൽബിൻ കറിക്കല്ലിൽ അനുസ്മരണ പ്രഭാഷണം നടത്തും. മിഷൻ ലീഗിന്റെ പ്ലാറ്റിനം ജൂബിലിയോട് അനുബന്ധിച്ച് ശാഖ ഡയറക്ടർഫാ. സ്കറിയ വേകത്താനത്തിനെ സമ്മേളനത്തിൽ ആദരിക്കും. തുടർന്ന് സൺഡേ സ്കൂളിലെ ഗ്രീൻ ഹൗസിന്റെ നേതൃത്വത്തിൽ വിവിധ കലാപരിപാടികൾ. ഫാ. സ്കറിയ വേകത്താനം, സിസ്റ്റർ സൗമ്യ ജോസ് വട്ടങ്കിയിൽ, അന്നു സണ്ണി വാഴയിൽ, ജോസ് തയ്യിൽ തുടങ്ങിയവർ പ്രസംഗിക്കും. ജോജോ പടിഞ്ഞാറയിൽ, ജോയൽ ആമിക്കാട്ട്, ബിനീറ്റ ഞള്ളായിൽ, എവ്‌ലിൻ കല്ലാനിക്കുന്നേൽ തുടങ്ങിയവർ പരിപാടികൾക്ക് നേതൃത്വം നൽകും.
