മികച്ച നടനുള്ള സംസ്ഥാന പുരസ്കാരം പങ്കിട്ട് ബിജുമേനോനും ജോജുവും, മികച്ച നടി രേവതി, മികച്ച ചിത്രം ആവാസവ്യൂഹം, ദിലീഷ് പോത്തൻ മികച്ച സംവിധായകൻ , ഹൃദയം ജനപ്രിയ ചിത്രം.
തിരുവനന്തപുരം: അൻപത്തി രണ്ടാമത് സംസ്ഥാന ചലച്ചിത്ര അവാർഡുകൾ പ്രഖ്യാപിച്ചു. ‘ആവാസവ്യൂഹം’ ആണ് മികച്ച ചിത്രം. മികച്ച നടനായി ജോജു ജോര്‍ജി (മധുരം,നായാട്ട്)നെയും ബിജു മേനോനെയും (ആര്‍ക്കറിയാം) തിരഞ്ഞെടുത്തു. രേവതിയാണ് മികച്ച നടി. ‘ഭൂതകാല’ത്തിലെ അഭിനയത്തിനാണ് അവാര്‍ഡ്. മികച്ച ചിത്രത്തിനുള്ള പ്രത്യേക ജൂറി പുരസ്കാരം ജിയോ ബേബിയുടെ ‘ഫ്രീഡം ഫൈറ്റിന്’ ലഭിച്ചു. ചലച്ചിത്ര ഗ്രന്ഥത്തിനുള്ള പ്രത്യേക ജൂറി പരാമര്‍ശം ആര്‍ ഗോപാലകൃഷ്ണന്റെ നഷ്ടസ്വപ്നങ്ങള്‍ക്ക് ലഭിച്ചു.
