കാരുണ്യമുഖവുമായി എസ്. എം. വൈ. എം. ളാലം പഴയ പള്ളി യൂണിറ്റ്. സൗജന്യ ഡയാലിസിസ് കിറ്റ് വിതരണത്തിൻ്റെ ഉദ്ഘാടനം അഭിവന്ദ്യ മാർ ജോസഫ് കല്ലറങ്ങാട്ട് നിർവ്വഹിച്ചു.
എസ്. എം. വൈ. എം ളാലം പഴയ പള്ളി യൂണിറ്റിൻ്റെ ആഭിമുഖ്യത്തിൽ നടത്തുന്ന സൗജന്യ ഡയാലിസിസ് കിറ്റ് വിതരണത്തിൻ്റെ ഉദ്ഘാടനം പാലാ രൂപത അദ്ധ്യക്ഷൻ അഭ്യവന്ദ്യ മാർ ജോസഫ് കല്ലറങ്ങാട്ട് നിർവ്വഹിച്ചു. ഈശോയുടെ പീഡാനുഭവ കുരിശുമരണ ഉത്ഥാനത്തോട് അനുബന്ധിച്ച് എസ്. എം. വൈ. എം. ളാലം പഴയ പള്ളിയിലെ യുവാക്കൾ സമാഹരിച്ച തുക സന്മനസ്സ് കൂട്ടായ്മ ഭാരവാഹി ജോർജ് ചേട്ടന് കൈമാറി. മാനവരോടുള്ള സ്നേഹം നിമിത്തം സ്വയം ഉരുകി തീർന്നു കൊണ്ട് ഈ ലോകത്തിന്റെ പാപങ്ങൾ ഏറ്റെടുത്തു കുരിശു മരണംവരിച്ച് ഉയിർത്തെഴുന്നേറ്റ യേശുനാഥന്റെ ത്യാഗസ്മരണയെ അർത്ഥവത്താക്കി മാറ്റുകയാണ് ളാലം പഴയ പള്ളിയിലെ യുവജനങ്ങൾ. ളാലം പഴയ പള്ളി വികാരി ഫാ.ജോസഫ് തടത്തിൽ, മാണി.സി.കാപ്പൻ എം.എൽ. എ,ഫാ. ജോസഫ് ആലഞ്ചേരിൽ, യൂണിറ്റ് ഡയറക്ടർ ഫാ.മാത്യു വാഴചാരിക്കൽ, യൂണിറ്റ് പ്രസിഡന്റ് ജോഫി ജെ ഞാവള്ളിൽ എന്നിവർ സന്നിഹിതരായിരുന്നു.
