പാലാ: ഓൾ കേരള കേറ്ററേഴ്സ് അസോസിയേഷൻ (AKCA) സംസ്ഥാന സമ്മേളനത്തോടനുബന്ധിച്ച് കോട്ടയം ജില്ലാ കമ്മിറ്റി, വിസിബ് കൊടുമ്പിടി, പാലാ മേഖലാ കമ്മിറ്റി എന്നിവയുടെ സംയുക്താഭിമുഖ്യത്തിൽ സ്ത്രീ ശക്തി കേറ്ററേഴ്സ് മീറ്റ് സംഘടിപ്പിക്കുന്നു.
നാളെ (സെപ്റ്റംബർ 22, ചൊവ്വാഴ്ച) രാവിലെ 10 മണിക്ക് കൊടുമ്പിടി വിസിബ് ഓഡിറ്റോറിയത്തിലാണ് മീറ്റ് നടക്കുക.
AKCA സംസ്ഥാന പ്രസിഡന്റ് ഏലിയാസ് സക്കറിയ അധ്യക്ഷത വഹിക്കുന്ന ചടങ്ങ് പ്രശസ്ത സിനിമാ താരം ദർശന എസ്. നായർ ഉദ്ഘാടനം ചെയ്യും. ത്രിതല പഞ്ചായത്ത് തിരഞ്ഞെടുപ്പിൽ വിജയിച്ച AKCA വനിതാ അംഗങ്ങളെ ചടങ്ങിൽ ആദരിക്കും. ജില്ലാ പഞ്ചായത്ത് അംഗം പെണ്ണമ്മ ജോസഫ് മുഖ്യപ്രഭാഷണം നടത്തും.
ഫെഡറേഷൻ ഓഫ് ഓൾ ഇന്ത്യ കേറ്ററേഴ്സ് സൗത്ത് സോൺ ചെയർമാൻ ടി.കെ. രാധാകൃഷ്ണൻ, AKCA സംസ്ഥാന വൈസ് പ്രസിഡന്റ് കെ.കെ. കബീർ, കടനാട് ഗ്രാമപഞ്ചായത്ത് പ്രസിഡന്റ് ലാലി സണ്ണി, വൈസ് പ്രസിഡന്റ് മണിക്കുട്ടി സന്തോഷ്, ഗ്രാമപഞ്ചായത്ത് അംഗം കെ.സി. തങ്കച്ചൻ, AKCA സംസ്ഥാന-ജില്ലാ നേതാക്കൾ തുടങ്ങിയവർ പങ്കെടുക്കും.
പാലാ മേഖലയിലെ മുഴുവൻ അംഗങ്ങളും കുടുംബത്തിലെ വനിതകളോടൊപ്പം മീറ്റിൽ പങ്കെടുക്കണമെന്ന് ഭാരവാഹികൾ അറിയിച്ചു.
