ന്യൂഡൽഹി: 13 വർഷത്തെ ഇടവേളയ്ക്ക് ശേഷം ഡൽഹി സർവ്വകലാശാലയിലെ പ്രമുഖ കലാലയമായ ശ്രീറാം കോളേജ് ഓഫ് കോമേഴ്സ് (SRCC) സന്ദർശിച്ച് പ്രധാനമന്ത്രി നരേന്ദ്ര മോദി. ക്യാമ്പസിലെ ആവേശകരമായ അന്തരീക്ഷത്തെയും വിദ്യാർത്ഥികളുടെ അപാകമായ ഊർജ്ജത്തെയും പ്രകീർത്തിച്ച് അദ്ദേഹം സോഷ്യൽ മീഡിയയിൽ കുറിപ്പ് പങ്കുവെച്ചു.
“13 വർഷത്തിന് ശേഷം വീണ്ടും എസ്.ആർ.സി.സിയിൽ! യുവത്വത്തിന്റെ ഊർജ്ജവും ആവേശവും നിറഞ്ഞ അവിസ്മരണീയമായ അന്തരീക്ഷം,” എന്ന് സന്ദർശനത്തിന് ശേഷം പ്രധാനമന്ത്രി കുറിച്ചു. ക്യാമ്പസിലെത്തിയ അദ്ദേഹത്തെ വൻ ആവേശത്തോടെയാണ് വിദ്യാർത്ഥികളും അധ്യാപകരും ചേർന്ന് സ്വീകരിച്ചത്. വിദ്യാർത്ഥികളുമായി സംവദിച്ച പ്രധാനമന്ത്രി രാജ്യത്തിന്റെ ഭാവി കെട്ടിപ്പടുക്കുന്നതിൽ യുവജനങ്ങളുടെ പങ്കിനെക്കുറിച്ച് സംസാരിച്ചു.
നേരത്തെ 2013-ൽ ഗുജറാത്ത് മുഖ്യമന്ത്രിയായിരിക്കെയാണ് നരേന്ദ്ര മോദി അവസാനമായി ശ്രീറാം കോളേജ് ഓഫ് കോമേഴ്സിൽ പരിപാടിയിൽ പങ്കെടുക്കാൻ എത്തിയിരുന്നത്. വർഷങ്ങൾക്ക് ശേഷമുള്ള അദ്ദേഹത്തിന്റെ ക്യാമ്പസ് സന്ദർശനം സോഷ്യൽ മീഡിയയിലും വലിയ തരംഗമായിട്ടുണ്ട്.
