2026 ജൂലൈ 18 ശനി കർക്കിടകം 02
📰👉 ഇറാനിൽ അമേരിക്ക നടത്തിയ കനത്ത വ്യോമാക്രമണത്തിൽ വൻ നാശം. ഏഴു പേർ കൊല്ലപ്പെട്ടു. നിരവധിപ്പേർക്കു പരിക്കേറ്റിട്ടുണ്ട്. തെക്കൻ ഇറാനിലെ തന്ത്രപ്രധാനമായ ഹോർമുസ് കടലിടുക്കിനു സമീപമുള്ള വിമാനത്താവളവും റെയിൽവേ സ്റ്റേഷനും പാലങ്ങളും ആക്രമണത്തിൽ തകർന്നു. തുടർച്ചയായ ആറാം ദിവസമാണ് അമേരിക്ക ഇറാനിൽ കനത്ത ആക്രമണം നടത്തുന്നത്.
📰👉 അർജന്റീന-സ്പെയിൻ ലോകകപ്പ് ഫൈനൽ കാണാൻ അമേരിക്കൻ പ്രസിഡന്റ് ഡോണൾഡ് ട്രംപ് സ്റ്റേഡിയത്തിലെത്തും. ഞായറാഴ്ച ന്യൂയോർക്ക്-ന്യൂജേഴ്സി സ്റ്റേഡിയത്തിൽ നടക്കുന്ന ഫൈനൽ മത്സരത്തിൽ ട്രംപ് പങ്കെടുക്കുമെന്ന് വൈറ്റ് ഹൗസ് ഔദ്യോഗികമായി സ്ഥിരീകരിച്ചു.
📰👉 കാനഡയിൽ കാട്ടുതീ പടർന്നുപിടിക്കുന്നതുമൂലമുണ്ടാകുന്ന പുകപടലങ്ങൾ അമേരിക്കയിലെ പ്രമുഖ നഗരങ്ങളെ മൂടിയതോടെ വായുനിലവാരം അതീവ ഗുരുതരാവസ്ഥയിൽ. നിലവിൽ കാനഡയിലുടനീളം 850ലധികം സ്ഥലങ്ങളിലാണ് കാട്ടുതീ പടരുന്നത്.
📰👉 നീറ്റ് യുജി 2026 പുനഃപരീക്ഷാ ഫലം പുറത്തുവന്നപ്പോൾ കേരളത്തിന് അഭിമാനമായി നീരജ് ബി. ദേശീയ തലത്തിൽ 89-ാം റാങ്ക് കരസ്ഥമാക്കിയാണ് നീരജ് കേരളത്തിൽ നിന്ന് ഒന്നാമതെത്തിയത്.
📰👉 സംസ്ഥാനം ഇപ്പോൾ നേരിട്ടുകൊണ്ടിരിക്കുന്നത് മുമ്പെങ്ങുമില്ലാത്തവിധം അപ്രതീക്ഷിതമായ ഊർജ്ജക്ഷാമമാണെന്ന് കെ.എസ്.ഇ.ബി. ചെയർമാൻ എം.ജി. രാജമാണിക്യം. പലവിധത്തിലുള്ള ഘടകങ്ങൾ ഒരേസമയം ഒത്തുചേർന്നതാണ് ഈ പ്രതിസന്ധിക്ക് കാരണമായതെന്ന് അദ്ദേഹം ചൂണ്ടിക്കാട്ടുന്നു.
📰👉 നിരക്കുവർധന ആവശ്യപ്പെട്ട് സംസ്ഥാനത്ത് ഓൺലൈൻ ടാക്സി ഡ്രൈവർമാർ 21 മുതൽ സമരത്തിലേക്ക്. ഊബർ, ഓല, റാപിഡോ, കേരള സവാരി തുടങ്ങിയ ഓൺലൈൻ പ്ലാറ്റ്ഫോമുകളിലെ ഡ്രൈവർമാരാണ് അനിശ്ചിതകാല സമരം പ്രഖ്യാപിച്ചത്.
📰👉 ആശുപത്രികൾ രോഗി സൗഹൃദമാക്കാൻ ജീവനക്കാർക്ക് നിർബന്ധിത പരിശീലനത്തിന് ഉത്തരവിട്ട് ആരോഗ്യവകുപ്പ്. ഡോക്ടർമാർ, നഴ്സുമാർ, മറ്റ് ജീവനക്കാർ എന്നിവർക്കാണ് ഇത് ബാധകം. രോഗികളോടുള്ള നല്ല പെരുമാറ്റം, മാനസിക പിന്തുണ, മികച്ച ആശയവിനിമയം എന്നിവയാണ് പരിശീലനത്തിന്റെ പ്രധാന ലക്ഷ്യങ്ങൾ
📰👉 കപ്പല് നിര്മ്മാണ കേന്ദ്രം സ്ഥാപിക്കുമെന്ന മുഖ്യമന്ത്രി വി ഡി സതീശന്റെ പ്രസ്താവന തളളി ടാറ്റ ഗ്രൂപ്പ് രംഗത്ത് വന്നതിന് പിന്നാലെ മലക്കം മറിഞ്ഞ് മുഖ്യമന്ത്രി. മിഷന് സമുദ്രയുടെ ഭാഗമായ ആകെ നിക്ഷേപത്തിന്റെ വ്യാപ്തിയെയാണ് 10,000 കോടിയോളം രൂപയുടെ നിക്ഷേപ സാധ്യതയെന്ന പരാമര്ശത്തിലൂടെ സൂചിപ്പിച്ചത്. ടാറ്റയുമായി ഏക നിക്ഷേപ കരാര് അന്തിമമായി ഉറപ്പിച്ചിട്ടില്ലെന്നും സര്ക്കാര് അറിയിച്ചു.
📰👉 അമല ആശുപ്രതിയില് യുണൈറ്റഡ് നേഴ്സസ് അസോസിയേഷന് നടത്തിയ ഉപരോധ സമരം അവസാനിച്ചു. ഏകദേശം 30 മണിക്കൂറിന് ശേഷമാണ് ഉപരോധം അവസാനിച്ചത്.16ന് രാവിലെ 10 മണിയോടെയാണ് 500ല് ഏറെ യുഎന്എ പ്രവര്ത്തകര് ആശുപത്രിയുടെ പ്രധാന കവാടത്തിലും വരാന്തയിലും ഉപരോധം തുടങ്ങിയത്.
📰👉 മെക്സിക്കോയിൽ വൻ ഭൂചലനം. സുനാമി മുന്നറിയിപ്പുമുണ്ട്. ചിയാപ്പാസിൽ അനുഭവപ്പെട്ടത് റിക്ടർ സ്കെയിലിൽ 7.4 തീവ്രത രേഖപ്പെടുത്തിയ ചലനം. മെക്സിക്കോയ്ക്ക് പുറമെ അയൽരാജ്യങ്ങളായ എൽ സാൽവദോർ, ഗ്വാട്ടിമാല എന്നിവിടങ്ങളിലും പ്രകമ്പനം ഉണ്ടായി.
