പാലാ: പാലാ രൂപത കെ.സി.എസ്.എൽ (KCSL) അനിമേറ്റേഴ്സ് മീറ്റിംഗ് ശാലോം പാസ്റ്ററൽ സെന്ററിൽ വച്ച് ഭംഗിയായി നടത്തപ്പെട്ടു. പാലാ രൂപത സൺഡേസ്കൂൾ ഡയറക്ടർ റവ. ഫാ. ജോർജ് വർഗീസ് ഞാറക്കുന്നേൽ മീറ്റിംഗിന്റെ ഔദ്യോഗിക ഉദ്ഘാടനം നിർവ്വഹിച്ചു.
രൂപത ഡയറക്ടർ റവ. ഫാ. ജോർജ് പുല്ലുകാലായിൽ, അസിസ്റ്റന്റ് ഡയറക്ടർ റവ. ഫാ. പോൾ കുന്നുംപുറത്ത്, രൂപത പ്രസിഡന്റ് ജിജോ മാത്യു തുടങ്ങിയ പ്രമുഖർ യോഗത്തിൽ സന്നിഹിതരാവുകയും പ്രസംഗിക്കുകയും ചെയ്തു. മീറ്റിംഗിനോടനുബന്ധിച്ച് നടന്ന പ്രത്യേക പരിശീലന ക്ലാസ്സിന് പാലാ സെന്റ് തോമസ് ബി.എഡ് കോളേജ് പ്രിൻസിപ്പൽ പ്രൊഫ. ഡോ. ടി. സി. തങ്കച്ചൻ നേതൃത്വം നൽകി.
പാലാ രൂപത എഡ്യൂക്കേഷണൽ ഏജൻസിയുടെ കീഴിലുള്ള വിവിധ സ്കൂളുകളിൽ നിന്നായി നൂറ്റിപ്പത്തിലധികം (110) അധ്യാപകരാണ് ഈ അനിമേറ്റേഴ്സ് മീറ്റിംഗിൽ പങ്കെടുത്തത്. കുട്ടികളിലെ സന്മാർഗിക-ആത്മീയ മൂല്യങ്ങൾ വളർത്തുന്നതിൽ അനിമേറ്റർമാർക്കുള്ള പങ്കിനെക്കുറിച്ചും ഭാവി പ്രവർത്തനങ്ങളെക്കുറിച്ചും യോഗം ചർച്ച ചെയ്തു.
