കവീക്കുന്ന് :- സെന്റ് എഫ്രേംസ് ദേവാലയത്തിൽ രാവിലെ 6:45 ന് വലിയ വെള്ളിയുടെ വിവിധ ശുശ്രൂഷകൾ നടന്നു. തുടർന്ന് ദേവാലയത്തിൽ നിന്നും പാമ്പുരാംപാറ ലേയ്ക്കുള്ള കുരിശിന്റെ വഴിയിൽ അനേകർ നിഷ്പാദകരായി ത്യാഗ പൂർവ്വം പങ്കു ചേർന്നു. കൊറോണയ്ക്ക് ശേഷം ഇത്രയേറെ ആളുകൾ ഈ തീർഥാടന മലയിൽ ഭക്തി നിർഭരമായി ഒരുമിച്ചു കൂടി എന്ന പ്രത്യേകത കൂടി ഈ വര്ഷത്തെ കുരിശിന്റെ വഴിക്കു ഉണ്ടായിരുന്നു. തുടർന്ന് ഫാ.ജോർജ്ജ് നെല്ലിക്കുന്നുചെരിവ് പുരയിടം പീഢാനുഭവ സന്ദേശം നൽകി. വികാരി ഫാ. ജോസഫ് വടകര കരിശിന്റെ വഴി നടത്തി. നേർച്ച ഭക്ഷണത്തോടെ വലിയ വെള്ളിയുടെ വിവിധ ശുശ്രൂഷകൾ സമാപിച്ചു.
