കടനാട്: പാലാ നിയോജകമണ്ഡലം എൽ.ഡി.എഫ് സ്ഥാനാർത്ഥി ജോസ് കെ. മാണി കടനാട് സെന്റ് അഗസ്റ്റിൻസ് ഫൊറോന പള്ളി സന്ദർശിച്ചു. തിരഞ്ഞെടുപ്പ് പ്രചാരണത്തിന്റെ ഭാഗമായി മണ്ഡലത്തിൽ പര്യടനം നടത്തുന്ന അദ്ദേഹം, ഇടവകയിലെ വൈദികരെയും വിശ്വാസികളെയും നേരിൽ കണ്ട് അനുഗ്രഹം തേടി.
പള്ളിയിലെത്തിയ സ്ഥാനാർത്ഥിയെ വികാരിയും മറ്റ് സഭാ ഭാരവാഹികളും ചേർന്ന് സ്വീകരിച്ചു. പാലായുടെ വികസന നായകൻ കെ.എം. മാണി സാറിനോടുള്ള സ്നേഹവും ബഹുമാനവും ഇന്നും നിലനിർത്തുന്ന കടനാടിന്റെ മണ്ണിൽ തനിക്ക് വലിയ പ്രതീക്ഷയുണ്ടെന്ന് ജോസ് കെ. മാണി പറഞ്ഞു. വിശ്വാസി സമൂഹത്തിന്റെ പ്രാർത്ഥനയും പിന്തുണയും വരാനിരിക്കുന്ന തിരഞ്ഞെടുപ്പിൽ തനിക്കൊപ്പമുണ്ടാകണമെന്ന് അദ്ദേഹം അഭ്യർത്ഥിച്ചു.
