👉📰 വിദേശസംഭാവനാ നിയന്ത്രണ നിയമഭേദഗതി ബില്ല് (എഫ്സിആർഎ) സംബന്ധിച്ച തങ്ങളുടെ നിർദേശങ്ങൾ 12ന് ഭാരത കത്തോലിക്ക മെത്രാൻ സമിതി (സിബിസിഐ) സംയുക്ത പാർലമെന്‍ററി സമിതി (ജെപിസി) മുന്പാകെ സമർപ്പിക്കും.
👉📰 മെസിയെ കേരളത്തിലെത്തിച്ച് കളിപ്പിക്കാമെന്ന പേരിൽ നടത്തിയ സാന്പത്തിക തട്ടിപ്പിൽ മുൻ കായികമന്ത്രി വി. അബ്ദു റഹ‌്മാനെ പ്രതിപ്പട്ടികയിൽ ഉൾപ്പെടുത്തി കേസെടുക്കാൻ സർക്കാർ ഗവർണറുടെ അനുമതി തേടും.
👉📰 1950-ന് ശേഷമുള്ള ഏറ്റവും ശക്തമായ എൽ നിനോ പ്രതിഭാസങ്ങളിലൊന്നാണ് 2026 ലെ തെന്നും, മനുഷ്യനിർമ്മിതമായ കാലാവസ്ഥാ വ്യതിയാനത്തിന്റെ ആഘാതം ഇത് കൂടുതൽ വർദ്ധിപ്പിക്കുമെന്നും ഐക്യരാഷ്ട്രസഭയുടെ പ്രകൃതി-കാലാവസ്ഥാ ഏജൻസിയായ വേൾഡ് മെറ്റിയറോളജിക്കൽ ഓർഗനൈസേഷൻ (ഡബ്ല്യൂ.എം.ഓ.) വ്യക്തമാക്കി
👉📰 കടലില്‍ മുങ്ങിക്കിടക്കുന്ന എംഎസ്‌സി എല്‍സ 3 കപ്പലിലെ കണ്ടെയ്‌നറിനുള്ളിലെ വസ്തുക്കളുണ്ടാക്കുന്ന അപകടഭീഷണി സംബന്ധിച്ചു പഠിക്കാനുള്ള മള്‍ട്ടീബീം സര്‍വേയുടെ ചെലവ് കപ്പല്‍ കമ്പനി വഹിക്കും.
👉📰 ലോകത്തിലെ ആദ്യ പ്രവർത്തനക്ഷമമായ ന്യൂക്ലിയർ ക്ലോക്ക് നിർമിച്ച് ഓസ്ട്രിയയിലെയും ചൈനയിലെയും ശാസ്ത്രജ്ഞർ. സമയ കൃത്യതയിൽ ഒരു പുതിയ അധ്യായം തുറക്കുന്നതാണ് മുന്നേറ്റം
👉📰 ഹൂതി വ്യോമാക്രമണം നേരിടുന്ന സൗദിയിൽ സിറിയൻ സേനയെ വിന്യസിക്കാൻ ആലോചന. സിറിയ ഇതിനു തയാറായേക്കുമെന്നാണു വിഷയവുമായി ബന്ധപ്പെട്ട വൃത്തങ്ങൾ സൂചിപ്പിച്ചത് ഇതിനിടെ, സൗദിയിലെ വിമാനത്താവളങ്ങളും എണ്ണവ്യവസായ കേന്ദ്രങ്ങളും ലക്ഷ്യമിട്ട് ഹൂതി ആക്രമണം തുടരുന്നുണ്ട്. റിയാദിൽ ഇന്നലെ രാവിലെ വലിയ സ്ഫോടനശബ്ദങ്ങളുണ്ടായി.
👉📰 മുഖ്യ തെരഞ്ഞെടുപ്പു കമ്മിഷണർ ഗ്യാനേഷ് കുമാറിനെതിരേ പ്രതിപക്ഷ പ്രതിഷേധം രാജ്യവ്യാപകമാകുന്നതിനിടയിൽ എൻഡിഎ സഖ്യകക്ഷികൾക്കിടയിലും വിഷയത്തിൽ അമർഷം പുകയുന്നതായി റിപ്പോർട്ടുകൾ. തെരഞ്ഞെടുപ്പു കമ്മിഷനെ പ്രതിരോധിക്കാൻ ബിജെപി മാത്രമാണ് ഇതുവരെ രംഗത്തു വന്നത്
👉📰 കൊങ്കൺപാതയിൽ തീവണ്ടികളുടെ സമയം 21 മുതൽ മാറും. ജൂൺ 15 മുതൽ നിലവിലുള്ള മൺസൂൺ ടൈംടേബിൾ ഒക്ടോബർ 20-ന് അവസാനിക്കും. മംഗള, നേത്രാവതി അടക്കമുള്ള വണ്ടികളുടെ സമയത്തിൽ മണിക്കൂറുകളുടെ മാറ്റം വരും. കേരളത്തിൽനിന്നുള്ള തീവണ്ടികൾ നിലവിലുള്ളതിനേക്കാൾ ’വൈകി’ ഓടും.
👉📰 ഇറാനുമായി ചർച്ചകൾ പുരോഗമിക്കുകയാണെന്നും നവംബർ മൂന്നിന് നടക്കുന്ന യുഎസ് ഇടക്കാല തെരഞ്ഞെടുപ്പിന് മുൻപ് ഇറാന് നേരെ സൈനിക നീക്കം ഉണ്ടാകില്ലെന്നും യുഎസ് പ്രസിഡന്‍റ് ഡോണൾഡ് ട്രംപ്. ട്രൂത്ത് സോഷ്യലിലൂടെയാണ് അദ്ദേഹം ഇക്കാര്യം വ്യക്തമാക്കിയത്.
👉📰 യു.പി.ഐ.യിൽ 2000 രൂപയ്ക്കു മുകളിലുള്ള വാണിജ്യ ഇടപാടുകൾക്ക് ഫീസ് (എം.ഡി.ആർ.) നടപ്പാക്കുന്നത് നീട്ടിവെക്കാൻ ആലോചന. യു.പി.ഐ. സംവിധാനം നിയന്ത്രിക്കുന്ന നാഷണൽ പെയ്‌മന്റ് കോർപ്പറേഷൻ (എൻ.പി.സി.ഐ.) ഇക്കാര്യം പരിഗണിക്കുന്നതായാണ് വിവരം.
