ഏറ്റുമാനൂർ: ഏറ്റുമാനൂർ ഗവൺമെന്റ് മോഡൽ റസിഡൻഷ്യൽ സ്കൂളിൽ സ്റ്റുഡന്റ് പോലീസ് കേഡറ്റ് (SPC) യൂണിറ്റിന്റെ ആഭിമുഖ്യത്തിൽ വിപുലമായ ആയുധ പ്രദർശനം സംഘടിപ്പിച്ചു. രാഷ്ട്രീയ ഏകതാ ദിവസ് ആഘോഷങ്ങളുടെ ഭാഗമായി കോട്ടയം ജില്ലാ പോലീസ് ഹെഡ്ക്വാർട്ടേഴ്സിന്റെ സഹകരണത്തോടെയാണ് പ്രദർശനം ഒരുക്കിയത്.
രാജ്യത്തിന്റെ ഐക്യവും സുരക്ഷയും ഉറപ്പാക്കുന്നതിൽ പോലീസ് വഹിക്കുന്ന പങ്കിനെക്കുറിച്ച് വിദ്യാർത്ഥികളിൽ അവബോധം സൃഷ്ടിക്കുക എന്നതായിരുന്നു പരിപാടിയുടെ പ്രധാന ലക്ഷ്യം. പോലീസിന്റെ പ്രവർത്തനങ്ങളെക്കുറിച്ചും അവർ ഉപയോഗിക്കുന്ന വിവിധതരം ആയുധങ്ങളെയും ഉപകരണങ്ങളെയും കുറിച്ചും നേരിട്ട് കണ്ട് മനസ്സിലാക്കാൻ വിദ്യാർത്ഥികൾക്ക് ഇതിലൂടെ അവസരം ലഭിച്ചു.
