ബംഗ്ലാദേശിൽ ആൾക്കൂട്ട ആക്രമണത്തിൽ നിന്ന് രക്ഷപ്പെടാൻ കുളത്തിൽ ചാടിയ യുവാവ് മരിച്ചു. ഹൈന്ദവ ന്യൂനപക്ഷ വിഭാഗത്തിൽപ്പെട്ട മിഥുൻ സർക്കാർ ആണ് മരിച്ചത്. ബംഗ്ലാദേശിലെ നവോഗാവിലാണ് സംഭവം.
മോഷണക്കുറ്റം ആരോപിച്ച് ആൾക്കൂട്ടം മിഥുൻ സർക്കാരിനെ പിന്തുടരുകയായിരുന്നു. ആക്രമണം ഭയന്ന് സമീപമുള്ള കുളത്തിലേക്ക് ചാടുകയായിരുന്നു. അതേസമയം ബംഗ്ലാദേശ് ദേശീയ തിരഞ്ഞെടുപ്പിലേക്ക് അടുക്കുമ്പോൾ മതന്യൂനപക്ഷങ്ങൾക്കെതിരായ അക്രമങ്ങൾ രൂക്ഷമായി തുടരുകയാണ്.
ദുർബല സമൂഹങ്ങളെ സംരക്ഷിക്കുന്നതിനു മനുഷ്യാവകാശങ്ങൾ ഉയർത്തിപ്പിടിക്കുന്നതിലും മുഹമ്മദ് യൂനുസിന്റെ നേതൃത്വത്തിലുള്ള ഇടക്കാല സർക്കാർ പരാജയപ്പെട്ടതായി ബംഗ്ലാദേശ് ഹിന്ദു ബുദ്ധിസ്റ്റ് ക്രിസ്ത്യൻ യൂണിറ്റി കൗൺസിൽ വിമർശിച്ചു.
