യൂറോപ്പ് കീഴടക്കി; ഇംഗ്ലണ്ട് വനിതകൾ ചാമ്പ്യന്മാർ വനിതാ യൂറോ കപ്പ് ഫൈനലിൽ ജർമനിയെ തകർത്ത് ഇംഗ്ലണ്ട് വനിതകൾക്ക് കിരീടം. വെംബ്ലിയിൽ നടന്ന ഫൈനലിൽ 2-1ന് ആണ് ജർമനിയെ ഇംഗ്ലണ്ട് തകർത്തത്. ഇഞ്ചോടിഞ്ച് പോരാട്ടത്തിനൊടുവിൽ എക്സ്ട്രാ ടൈമിലാണ് ഇംഗ്ലണ്ട് വിജയിച്ചത്. 69-ാം മിനിറ്റിൽ എല്ല ടൂൺ ആണ് ഇംഗ്ലണ്ടിന് വേണ്ടി ആദ്യം ലക്ഷ്യം കണ്ടത്. എന്നാൽ 79-ാം മിനിറ്റിൽ ലിന മഗൂൾ ജർമനിക്കായി സമനില ഗോൾ നേടി. ശേഷം 110-ാം മിനിറ്റിൽ കെല്ലിയാണ് ഇംഗ്ലണ്ടിനായി വിജയ ഗോൾ നേടിയത്.
