അഗ്നിപഥിൽ ആളിക്കത്തി രാജ്യം കേന്ദ്രത്തിന്റെ വിവാദ അഗ്നിപഥ് പദ്ധതിക്കെതിരെ രാജ്യവ്യാപക പ്രതിഷേധം തുടരുന്നു. ബിഹാറിൽ ഇന്നും ഇന്നലെയുമായി മൂന്നിൽ അധികം ട്രെയിനിന് തീയിട്ടു. ഹാജിപൂരിൽ ജമ്മു താവി എക്സ്പ്രസിന്റെ രണ്ട് കോച്ചുകൾ കത്തിനശിച്ചു. ഉത്തർപ്രദേശിലെ ബലിയയിൽ നിർത്തിയിട്ടിരുന്ന ട്രെയിൻ തകർത്തു. സെക്കന്തർബാദിൽ ട്രെയിനിന് തീയിട്ടു. പ്രതിഷേധം ശക്തമായതോടെ പൊലീസ് വെടിവെപ്പിൽ സെക്കന്തർബാദിൽ ഒരാൾ മരിച്ചു.
