മലയാള സിനിമാ പിന്നണി ഗായകൻ ഇടവ ബഷീർ (78) ഗാനമേളയുടെ വേദിയിൽ കുഴഞ്ഞു വീണ് മരിച്ചു. ആലപ്പുഴയിൽ പാതിരപ്പള്ളിയിലെ ഗാനമേളയിൽ പാടിക്കൊണ്ടിരിക്കെ നെഞ്ചു വേദന അനുഭവപ്പെടുകയായിരുന്നു. ഉടനെ ബഷീറിനെ പൊലീസിന്റെ സഹായത്തോടെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഹൃദയാഘാതമാണ് എന്നാണ് പ്രാഥമിക നിഗമനം. രഘുവംശം എന്ന ചിത്രത്തിൽ എടി ഉമ്മറിന്റെ സംഗീത സംവിധാനത്തിൽ ആദ്യ ഗാനം ആലപിച്ചിരുന്നു.
