കാവുംകണ്ടം: കാവുംകണ്ടം സെന്റ് മരിയ ഗൊരേത്തി ഇടവകയിലെ വൈദികരുടെയും സന്യസ്തരുടെയും സംഗമം കാവുംകണ്ടം പാരിഷ് ഹാളിൽ വച്ച് നടത്തി. കൂട്ടായ്മയുടെ പ്രസിഡന്റ് റവ. ഫാ. ജോസഫ് ഫെലിക്സ് ചിറപ്പുറത്തേൽ സമ്മേളനത്തിൽ അധ്യക്ഷത വഹിച്ചു. കാവുംകണ്ടം പള്ളി വികാരി ഫാ. സ്കറിയ വേകത്താനം മുഖ്യപ്രഭാഷണം നടത്തി. പൗരോഹിത്യ സുവർണ്ണജൂബിലി ആഘോഷിക്കുന്ന ഫാ. ജോസഫ് ഫെലിക്സിനെ സമ്മേളനത്തിൽ വെച്ച് വികാരി ഫാ. സ്കറിയ വേകത്താനം ഉപഹാരം നൽകി ആദരിച്ചു. സിസ്റ്റർ ടെസി കല്ലാച്ചേരിൽ ചർച്ചകൾക്ക് നേതൃത്വം നൽകി. സി. സിനി വഞ്ചിക്കച്ചാലിൽ, സി. ജ്യോതിസ് പീടികയ്ക്കൽ, സി. മേരി ചിറപ്പുറത്തേൽ തുടങ്ങിയവർ പ്രസംഗിച്ചു. ഫാ. സ്കറിയ വേകത്താനം, സി. മോഡസ്റ്റി പാറേമാക്കൽ, സി. സോഫി പീടികയ്ക്കൽ തുടങ്ങിയവർ പരിപാടികൾക്ക്‌ നേതൃത്വം നൽകി.
