📰👉 ലെയോ പാപ്പ പെറുവില് അപ്പസ്തോലിക സന്ദര്ശനം തുടരുന്ന പശ്ചാത്തലത്തിലും പാവങ്ങള്ക്കായുള്ള പത്താമത് ആഗോള ദിനാചരണം വത്തിക്കാനില് നടത്തി.
📰👉 കേരളത്തിലെ മാലിന്യം തമിഴ്നാട്ടില് തള്ളിയ കേസില് നാല് പേരെ തെങ്കാശി പൊലീസ് അറസ്റ്റ് ചെയ്തു. കേരളത്തില് നിന്നുളള മെഡിക്കല് മാലിന്യം കൊണ്ടുചെന്ന് തളളുന്നതിനെതിരെ തമിഴ്നാട്ടിലെ അതിര്ത്തി ജില്ലകളില് പ്രതിഷേധം ശക്തമാണ്.
📰👉 ഭരണമാറ്റമോ രാഷ്ട്രീയ പ്രതികാര നടപടികളോ കാരണം സംസ്ഥാനത്ത് എത്തുന്ന വ്യവസായ നിക്ഷേപങ്ങൾ തടസ്സപ്പെടുന്നത് ഒഴിവാക്കാൻ രാജ്യത്ത് ആദ്യമായി ആന്ധ്രാപ്രദേശിൽ ഇൻവെസ്റ്റ്മെന്റ് പ്രൊട്ടക്ഷൻ ആക്ട്’കൊണ്ടുവരുമെന്ന് മുഖ്യമന്ത്രി എൻ. ചന്ദ്രബാബു നായിഡു.
📰👉 സംസ്ഥാനത്തെ എയ്ഡഡ് സ്കൂളുകളിൽ ഭിന്നശേഷിക്കാർക്കുള്ള നിയമന സംവരണം നടപ്പാക്കുന്നതിന്റെ പേരിൽ എയ്ഡഡ് മേഖലയെ പൂർണമായും കൈപ്പിടിയിലൊതുക്കാനുള്ള നീക്കവുമായി സംസ്ഥാന സർക്കാർ. ഇതുമായി ബന്ധപ്പെട്ട് പൊതുവിദ്യാഭ്യാസ സെക്രട്ടറി തയാറാക്കിയ കത്തിലെ ഒൻപതാം ഇനമായി എയ്ഡഡ് മേഖലയിലെ എല്ലാ നിയമനങ്ങളും ഭാവിയിൽ ഏറ്റെടുക്കാനുള്ള നീക്കമെന്ന സൂചനയാണ് നൽകുന്നത്.
📰👉 കേരളത്തില് നൈറ്റ് ലൈഫ് പൂര്ണ്ണമായി നിരോധിക്കാന് കഴിയില്ലെന്ന് ഹൈക്കോടതി വ്യക്തമാക്കി. ഡിജെ പാര്ട്ടികളെയും രാത്രികാല പരിപാടികളെയും ലഹരിമരുന്ന് ഉപയോഗവുമായി ബന്ധപ്പെടുത്തി മുന്വിധിയോടെ കാണാനാകില്ലെന്നും ജസ്റ്റിസ് ദേവന് രാമചന്ദ്രന്, ജസ്റ്റിസ് ബസന്ത് ബാലാജി എന്നിവരടങ്ങിയ ഡിവിഷന് ബെഞ്ച് നിരീക്ഷിച്ചു.
📰👉 മുഖ്യമന്ത്രി വി.ഡി. സതീശനെതിരായ പുനര്ജനി പദ്ധതിയിലെ വിജിലന്സ് അന്വേഷണം അവസാനിപ്പിച്ച നടപടി ചോദ്യം ചെയ്ത് അഭിഭാഷകന് കെ.എം. ഷാജഹാന് നല്കിയ ഹര്ജി ഹൈക്കോടതി ചീഫ് ജസ്റ്റിസിന്റെ പരിഗണനയ്ക്ക് വിട്ടു.
📰👉 സര്വീസിലുള്ള അധ്യാപകര്ക്കായി നടത്തിയ കെ ടെറ്റ് യോഗ്യതാപരീക്ഷയുടെ ഫലം പ്രസിദ്ധീകരിക്കുന്നത് ഒരു മാസത്തേക്ക് ഹൈക്കോടതി തടഞ്ഞു. പരീക്ഷയില് യോഗ്യത നേടാന് ഒബിസി, ഒഇസി വിഭാഗങ്ങള്ക്ക് ഇളവനുവദിച്ച പരീക്ഷാഭവന്റെ വിജ്ഞാപനം ചോദ്യംചെയ്തുല്കിയ ഹര്ജിയിലാണു ജസ്റ്റീസ് പി. ഗോപിനാഥിന്റെ ഇടക്കാല ഉത്തരവ്.
📰👉 യമുനാ നദി ശുചീകരിക്കുന്നതിനായി വൻതുക ചെലവഴിച്ചിട്ടും നദിയിലെ മലിനീകരണം വർധിക്കുകയാണുണ്ടായതെന്ന് സുപ്രീം കോടതി. നദീതീരത്തുള്ള നഗരഭരണ സംവിധാനങ്ങളുടെ പരാജയമാണ് ഇത് വ്യക്തമാക്കുന്നതെന്നും കോടതി നിരീക്ഷിച്ചു.
📰👉 ഇന്ത്യ ഉൾപ്പെടെ അഞ്ച് രാജ്യങ്ങളിൽനിന്ന് ഇറക്കുമതി ചെയ്യുന്ന സ്റ്റീലിന് അധിക തീരുവ ഏർപ്പെടുത്തി യൂറോപ്യൻ യൂണിയൻ (ഇ.യു). ആന്റി ഡംപിങ് തീരുവ എന്ന പേരിലാണ് യൂറോപ്യൻ യൂണിയൻ തിങ്കളാഴ്ച അധിക തീരുവ പ്രഖ്യാപിച്ചത്
📰👉 തിരഞ്ഞെടുപ്പ് കമ്മീഷനോട് 48 ചോദ്യങ്ങൾ ചോദിക്കാൻ അനുമതി തേടി കോൺഗ്രസ് നേതാവ് രാഹുൽ ഗാന്ധിയും ഇൻഡിയ മുന്നണി നേതാക്കളും സുപ്രീം കോടതിയെ സമീപിച്ചു.















