പ്രവിത്താനം: ദീപിക തീവ്ര പ്രചരണ മാസാചരണത്തിന്റെ പാലാ രൂപതാ തല ഉദ്ഘാടനം പ്രവിത്താനം സെന്റ് മൈക്കിൾസ് ചർച്ച് ഹാളിൽ നടന്നു. തിങ്കളാഴ്ച ഉച്ചകഴിഞ്ഞ് നാല് മണിക്ക് ചേർന്ന സമ്മേളനത്തിൽ ഇടവക വികാരി ഫാ. ജോർജ് വേളൂപറമ്പിൽ അധ്യക്ഷത വഹിച്ചു. പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് തീവ്ര പ്രചരണ പരിപാടിയുടെ ഉദ്ഘാടനം നിർവഹിച്ചു.
ദീപിക വരിക്കാർക്കായി നടപ്പിലാക്കി വരുന്ന ഹെൽത്ത് കാർഡിന്റെ വിതരണോദ്ഘാടനവും ഫൊറോന, ഇടവക തലങ്ങളിൽ നടപ്പിലാക്കുന്ന വിവിധ പദ്ധതികളുടെ ഉദ്ഘാടനവും ചടങ്ങിൽ നിർവഹിക്കപ്പെട്ടു.
പ്രോട്ടോസിഞ്ചെല്ലൂസ് മോൺ. ഡോ. ജോസഫ് തടത്തിൽ, ഡോ. ജോർജ് വർഗീസ് ഞാറാകുന്നേൽ, ഫാ. ജോർജ് മാന്തുരുത്തിയിൽ, ഫാ. ആന്റണി കൊല്ലിയിൽ, ഫാ. സെബാസ്റ്റ്യൻ കടുപ്പിൽ, ഫാ. ആൽബിൻ ഏറ്റുമാനൂക്കാരൻ, ഫാ. തോമസ് കിഴക്കേകൊല്ലിത്താനം , ഫാ. മാണി കൊഴുപ്പൻകുറ്റി, ഫാ. മാത്യു കാടൻകാവിൽ, ഫാ. സിറിയക് ചന്ദ്രൻകുന്നേൽ, ഡി.എഫ്.സി (DFC) രൂപതാ ഡയറക്ടർ ഫാ. ജോർജ് നെല്ലിക്കുന്ന്ചെരിവ്പുരയിടം, പ്രസിഡന്റ് ജയ്സൺ ജോസഫ്, സെക്രട്ടറി വി.ടി. ജോസഫ്, ഫൊറോന പ്രസിഡന്റ് സാബു സിറിയക് കദളിയിൽ, മുൻ സംസ്ഥാന പ്രസിഡന്റ് പ്രൊഫ. സണ്ണി സഖറിയാസ്, വനിതാ വിഭാഗം പ്രസിഡന്റ് ജാൻസി ജോസഫ്, സെക്രട്ടറി ആലീസ് തോമസ്, ഫൊറോന ഭാരവാഹികളായ ജോയി മൈക്കിൾ ചന്ദ്രൻകുന്നേൽ, ഷിബു ഐപ്പൻ പറമ്പിൽകുന്നേൽ, ജിസ്മോൻ തുടിയംപ്ലാക്കൽ, ടോമി വാളിപ്ലാക്കൽ, ഡെയ്സി കണ്ഠത്തിങ്കര, ടെസ്സി അലക്സ് തുടങ്ങിയവർ ചടങ്ങിൽ പ്രസംഗിച്ചു.















