പാലാ: ഗജകൗസ്തുഭം പല്ലാട്ട് ബ്രഹ്മദത്തന്റെ സ്മരണ പുതുക്കുന്നതിനായി പാലാ പൗരസമിതിയുടെ ആഭിമുഖ്യത്തിൽ അനുസ്മരണ സമ്മേളനം സംഘടിപ്പിക്കുന്നു. ഒക്ടോബർ 18 ഞായറാഴ്ച രാവിലെ 9.30ന് പാലാ മിൽക്ക് ബാർ ഓഡിറ്റോറിയത്തിലാണ് സമ്മേളനം.
ആനപ്രേമികളുടെ ഹൃദയങ്ങളിൽ ഇടം നേടിയ ഗജകൗസ്തുഭം പല്ലാട്ട് ബ്രഹ്മദത്തന്റെ ഓർമകൾ പങ്കുവെക്കുന്നതിനും ആദരാഞ്ജലികൾ അർപ്പിക്കുന്നതിനുമായാണ് സമ്മേളനം സംഘടിപ്പിക്കുന്നത്.
മണി സി. കാപ്പൻ എം.എൽ.എ സമ്മേളനം ഉദ്ഘാടനം ചെയ്യും. പാലാ മുനിസിപ്പൽ ചെയർപേഴ്സൺ മായാ രാഹുൽ അധ്യക്ഷത വഹിക്കും. ഗജകൗസ്തുഭം പല്ലാട്ട് ബ്രഹ്മദത്തന്റെ ഫോട്ടോ അനാച്ഛാദനം ജോസ് കെ. മാണി MP നിർവഹിക്കും. നാരായണൻകുട്ടി, അരുൺ നിവാസ്, ഉണ്ണി അശോക് തുടങ്ങിയവർ സമ്മേളനത്തിൽ സംബന്ധിക്കും.
പാലാ പൗരസമിതിയുടെ ആഭിമുഖ്യത്തിൽ സംഘടിപ്പിക്കുന്ന അനുസ്മരണ സമ്മേളനത്തിലേക്ക് ആനപ്രേമികളെയും പൊതുജനങ്ങളെയും സംഘാടകർ ക്ഷണിച്ചു.
