സി.പി.ഐ.എം കാസർകോട് വിപുലീകൃത ജില്ലാ കമ്മിറ്റി യോഗത്തിൽ മുഖ്യമന്ത്രി പിണറായി വിജയനും സംസ്ഥാന നേതൃത്വത്തിനുമെതിരെ രൂക്ഷമായ വിമർശനം. “വീട്ടിൽ പോയി പറയാൻ പറഞ്ഞത്” പോലുള്ള മുഖ്യമന്ത്രിയുടെ ഏകപക്ഷീയമായ സമീപനങ്ങൾ തിരഞ്ഞെടുപ്പ് തോൽവിക്ക് പ്രധാന കാരണമായെന്ന് യോഗത്തിൽ വിമർശനമുയർന്നു. സർക്കാരും പാർട്ടിയും തമ്മിൽ യാതൊരുവിധ കോ-ഓർഡിനേഷനും ഉണ്ടായിരുന്നില്ലെന്നും അംഗങ്ങൾ ചൂണ്ടിക്കാട്ടി.
ഭരണം ഉപയോഗിച്ച് പാർട്ടിയെ ശക്തിപ്പെടുത്തുന്നതിന് പകരം, സർക്കാരിന്റെ പല നടപടികളും കാരണം പാർട്ടി തകരുകയാണ് ചെയ്തതെന്ന് നേതാക്കൾ കുറ്റപ്പെടുത്തി.
