കൊഴുവനാൽ :കെ എസ് എസ് പി യു കൊഴുവനാല്‍ യൂണിറ്റ് കുടുംബമേളയും വയോജന ദിനാചരണവും കൊഴുവനാൽ സി എസ് സി ഹാളിൽ നടന്നു.. യൂണിറ്റ് പ്രസിഡന്റ് പ്രൊഫ.കെ എം സുദർശനന്റെ അധ്യക്ഷതയിൽ ചേർന്ന യോഗം കൊഴുവനാൽ ഗ്രാമപഞ്ചായത്ത് പ്രസിഡന്റ് ജോസിജോസഫ് പൊയ്കയിൽ ഉദ്ഘാടനം ചെയ്തു. ളാലം ബ്ലോക്ക് സെക്രട്ടറി കെ ജി വിശ്വനാഥൻ,
ബ്ലോക്ക് സാംസ്കാരിക വേദി കൺവീനർ പി വി തങ്കപ്പപണിക്കർ, ബ്ലോക്ക് വൈസ് പ്രസിഡണ്ട് കെ എൻ വിജയകുമാർ, മുൻ സംസ്ഥാന വൈസ് പ്രസിഡണ്ട് ടിജെ എബ്രഹാം തോണക്കര, യൂണിറ്റ് സെക്രട്ടറി ജയ്സൺ ജോസഫ്, സാംസ്കാരികവേദി കൺവീനർ പി എസ് ശശികുമാർ, വനിതാ വേദി പ്രസിഡന്റ് സി ടി പ്രസന്നകുമാരി തുടങ്ങിയവർ പ്രസംഗിച്ചു. 80 വയസ്സ് കഴിഞ്ഞ മുതിർന്ന അംഗങ്ങളെ ബ്ലോക്ക്
സെക്രട്ടറി കെ ജി വിശ്വനാഥൻ ആദരിച്ചു. 134 തവണ രക്തം ദാനം ചെയ്ത പാലാ ബ്ലഡ് ഫോറം കൺവീനർ ശ്രീ ഷിബു തെക്കേമറ്റത്തിനെ കെ എസ് എസ് പി യു മുൻ സംസ്ഥാന വൈസ് പ്രസിഡന്റ് ടി ജെ എബ്രഹാം ആദരിച്ചു..തുടർന്ന് കുടുംമ്പാഗങ്ങൾക്കായുള്ള “സർഗ്ഗമാധുരി .”യും നടന്നു.”ശാസ്ത്രീയ പച്ചക്കറി കൃഷി” എന്ന വിഷയത്തിൽ ജില്ലാ കൃഷി അസിസ്റ്റന്റ് ഡയറക്ടർ ശ്രീമതി സ്നേഹലത പറമ്പകത്ത് ക്ലാസ് നയിച്ചു . തുടർന്ന് സ്നേഹവിരുന്നും നടത്തി.
