ന്യൂഡൽഹി: വ്യക്തിവൈരാഗ്യത്തെ തുടർന്ന് തെക്കുകിഴക്കൻ ഡൽഹിയിലെ കാളിന്ദി കുഞ്ചിൽ വെടിവെപ്പ്. സംഭവത്തിൽ ഒരാൾക്ക് പരിക്കേറ്റു. സെപ്റ്റംബർ 3-ന് മദൻപൂർ ഖാദറിലെ ജെ.ജെ കോളനിയിലുള്ള ബാബ്ലു ഡയറിയിലെ ധോൽവാല ഓഫിസിനുള്ളിലാണ് സംഭവം നടന്നത്.
സംഭവത്തിൽ ഒരാളെ പോലീസ് അറസ്റ്റ് ചെയ്തു. ഓഫിസിനുള്ളിൽ രണ്ട് റൗണ്ട് വെടിയുതിർത്തതായും ആക്രമണത്തിൽ രോഹിത് എന്നയാൾക്ക് വിരലിന് പരിക്കേറ്റതായും പോലീസ് അറിയിച്ചു.
സംഭവത്തെക്കുറിച്ച് വിവരം ലഭിച്ച ഉടൻ കാളിന്ദി കുഞ്ച് പോലീസ് സ്ഥലത്തെത്തി അന്വേഷണം ആരംഭിച്ചു. വ്യക്തിപരമായ ശത്രുതയാണ് ആക്രമണത്തിന് പിന്നിലെന്ന് പ്രാഥമിക അന്വേഷണത്തിൽ വ്യക്തമായിട്ടുണ്ട്. കേസിൽ ഗൂഢാലോചന നടത്തിയ പ്രധാന പ്രതിയെ പോലീസ് കസ്റ്റഡിയിലെടുത്തിട്ടുണ്ട്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് മുതിർന്ന പോലീസ് ഉദ്യോഗസ്ഥർ അറിയിച്ചു.
