ഔദ്യോഗിക വാഹനത്തിലിരുന്ന് മദ്യപിച്ച സംഭവത്തിൽ സർവീസിൽ നിന്ന് സസ്പെൻഷനിൽ കഴിയുന്ന പോലീസ് ഉദ്യോഗസ്ഥന് ഇൻസ്പെക്ടറായി പ്രൊമോഷൻ നൽകിയതിൽ ഗുരുതര വീഴ്ച. ഇടുക്കി കരിമണ്ണൂർ പോലീസ് സ്റ്റേഷനിലെ മുൻ എസ്.ഐ ആയിരുന്ന എൻ.എസ്. റോയിക്കാണ് അച്ചടക്ക നടപടി നേരിടുന്നതിനിടെ സ്ഥാനക്കയറ്റം ലഭിച്ചത്.
പോലീസ് വകുപ്പ് കഴിഞ്ഞ ദിവസം പുറത്തിറക്കിയ സ്ഥാനക്കയറ്റ പട്ടികയിൽ 43-ാം പേരുകാരനായാണ് റോയി ഇടംപിടിച്ചത്. ഉദ്യോഗസ്ഥനെതിരെ അച്ചടക്ക നടപടികളോ സസ്പെൻഷനോ നിലവിലില്ലെന്ന് കാണിച്ച് ഇടുക്കി ജില്ലാ പോലീസ് മേധാവി (SP) നൽകിയ തെറ്റായ
റിപ്പോർട്ടിന്റെ അടിസ്ഥാനത്തിലാണ് ഈ ക്രമക്കേട് നടന്നത്. സംഭവത്തിൽ സംസ്ഥാന പോലീസ് മേധാവി (DGP) കടുത്ത അതൃപ്തി രേഖപ്പെടുത്തുകയും ഇടുക്കി എസ്.പിയിൽ നിന്ന് അടിയന്തര വിശദീകരണം തേടാൻ നിർദേശിക്കുകയും ചെയ്തു.
