കോഴിക്കോട് പേരാമ്പ്ര ചെറുവണ്ണൂര് ഗ്രാമപഞ്ചായത്തിലെ കക്കറ മുക്ക് റോഡില് ഓടിക്കൊണ്ടിരുന്ന കാറിന് തീപിടിച്ച് ഗര്ഭിണിയായ യുവതി വെന്തുമരിച്ച സംഭവത്തില് ഞെട്ടല് മാറാതെ നാട്ടുകാര്.
കക്കറമുക്ക് സ്വദേശി റിജിന് ലാലിന്റെ ഭാര്യ സോനയാണ് മരിച്ചത്. ആറ് മാസം ഗര്ഭിണിയായിരുന്നു സോന. സോനയുമായി ആശുപത്രിയില് പോയി മടങ്ങവേയാണ് ദുരന്തം സംഭവിച്ചത്. വീട്ടിലേക്ക് എത്താന് അഞ്ച് മിനിറ്റ് മാത്രം ബാക്കി നില്ക്കെയാണ് അപകടം നടന്നതെന്ന്
ഇവരുടെ ബന്ധു പറയുന്നു. രണ്ട് മാസം മുന്പാണ് റിജിന് ലാല് വിദേശത്ത് നിന്ന് വന്നത്. രണ്ട് ദിവസം കഴിഞ്ഞു തിരിച്ചു പോകാന് ഇരിക്കെ ആണ് അപകടം. പൊള്ളലേറ്റ് ചികിത്സയില് തുടരുകയാണ് റജിന്. 60 ശതമാനത്തില് അധികം പൊള്ളല് ഉണ്ടെന്ന് ആണ് വിവരം.
