ഭരണങ്ങാനം: പാലാ രൂപത കെ.സി.എസ്.എൽ (KCSL) യു.പി വിഭാഗം വിദ്യാർത്ഥികൾക്കായി സംഘടിപ്പിച്ച ‘Ad Astra Juniors’ ക്യാമ്പ് ഭരണങ്ങാനം മാതൃഭവനിൽ വെച്ച് നടന്നു. പാലാ രൂപതാ ചാൻസലർ വെരി. റവ. ഫാ. ജോസഫ് കുറ്റിയാങ്കൽ ക്യാമ്പ് ഉദ്ഘാടനം ചെയ്തു.
രൂപതയുടെ വിവിധ ഭാഗങ്ങളിൽ നിന്നായി 115-ഓളം കുട്ടികൾ ആവേശപൂർവ്വം ക്യാമ്പിൽ പങ്കെടുത്തു. കുട്ടികൾക്കായി വിവിധ പഠനക്ലാസ്സുകൾ, വ്യക്തിത്വ വികസന പരിപാടികൾ, വിനോദങ്ങൾ എന്നിവ ക്യാമ്പിന്റെ ഭാഗമായി നടന്നു.
രൂപതയിലെ കെ.സി.എസ്.എൽ ഭാരവാഹികളും വൈദികരും ക്യാമ്പിന് നേതൃത്വം നൽകി. കുട്ടികളിലെ കഴിവുകളെ പ്രോത്സാഹിപ്പിക്കുന്നതിനും അവർക്ക് പുതിയ അറിവുകൾ പകർന്നു നൽകുന്നതിനും ഇത്തരത്തിലുള്ള ക്യാമ്പുകൾ ഏറെ സഹായകരമാണെന്ന് ഉദ്ഘാടന പ്രസംഗത്തിൽ ഫാ. ജോസഫ് കുറ്റിയാങ്കൽ പറഞ്ഞു.
