ഏറ്റുമാനൂർ: പി.പി. നാരായണൻ പുരസ്കാരസമിതിയുടെ ഏഴാമത് സാഹിത്യ പുരസ്കാരങ്ങൾ പ്രഖ്യാപിച്ചു. ഡോ. ആർ. രമ്യാരാജ് എഴുതിയ ‘ആദ്യത്തെ കനിയും പെരുമഴപ്പൊക്കവും’ എന്ന കവിതയും, സാബുരാമൻ ഓണംതുരുത്ത് എഴുതിയ ‘മലയാഴം’ എന്ന കഥയുമാണ് പുരസ്കാരത്തിന് അർഹമായത്.
ഡോ. വി.ആർ. ജയചന്ദ്രൻ, എം. സഹീറ, ബാലഗോപാലൻ പേരൂർ എന്നിവരടങ്ങിയ ജൂറിയാണ് പുരസ്കാര ജേതാക്കളെ തിരഞ്ഞെടുത്തത്. 1,000 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്കാരം. നവംബർ 29-ന് ഏറ്റുമാനൂർ പ്രസ് ക്ലബിൽ വെച്ച് നടക്കുന്ന ചടങ്ങിൽ ഡോ. പി.എൻ. രാഘവൻ പുരസ്കാരങ്ങൾ സമർപ്പിക്കും.
















