കൊഴുവനാൽ സെന്റ് ജോൺ നെപുംസ്യാൻസ് ഫൊറോനാ പള്ളിയിൽ ഇടവക മധ്യസ്ഥനായ വിശുദ്ധ സെന്റ് ജോൺ നെപുംസ്യാന്റെ കല്ലിട്ട തിരുന്നാളിന് ഭക്തിനിർഭരമായ തുടക്കം. വെള്ളിയാഴ്ച വൈകിട്ട് 5 മണിക്ക് ഇടവക വികാരി ഫാദർ ജോസ് നെല്ലിക്കാത്തെരുവിൽ തിരുന്നാൾ കൊടിയേറ്റ് കർമ്മം നിർവഹിച്ചു.
കൊടിയേറ്റിന് ശേഷം ഫാദർ ജോർജ് അടിച്ചിയിലിന്റെ മുഖ്യകാർമ്മികത്വത്തിൽ ആഘോഷമായ വിശുദ്ധ കുർബാന നടന്നു. തുടർന്ന് രാത്രി 7 മണിക്ക് അമല കമ്മ്യൂണിക്കേഷൻസിന്റെ ‘തച്ചൻ’ എന്ന ചരിത്ര നാടകവും അരങ്ങേറി.
തിരുക്കർമ്മങ്ങൾക്ക് സഹ വികാരി ഫാദർ ജോൺ വയലിൽ, കൈക്കാരൻമാരായ ജോ കോടികുളം, ടോം ചൊള്ളമ്പുഴ, മാത്തുക്കുട്ടി വലിയപറമ്പിൽ, അലോഷ്യസ് തോണക്കര എന്നിവർ നേതൃത്വം നൽകി. വരും ദിവസങ്ങളിൽ വിവിധ ആത്മീയ-സാംസ്കാരിക പരിപാടികളോടെ തിരുന്നാൾ ആഘോഷങ്ങൾ തുടരും.
