സപ്തതി ആഘോഷവും വയോജന ദിനാചരണവും നവംബർ 15-ന്
പാലായിലെ ആദ്യത്തെ അഗതി വൃദ്ധമന്ദിരമായ സെയിന്റ് വിൻസെൻ്റ് പ്രൊവിഡൻസ് ഹൗസ്, വാർദ്ധക്യത്തിൽ തനിച്ചായ സഹോദരി സഹോദരന്മാർക്ക് കാരുണ്യ തണലേകി 70 വർഷം പൂർത്തിയാക്കുന്നു. സ്ഥാപനത്തിൻ്റെ സപ്തതി ആഘോഷവും വയോജന ദിനാചരണവും 2025 നവംബർ 15-ന് വൈകുന്നേരം 3 മണിക്ക് പ്രൊവിഡൻസ് ഹൗസിൽ വെച്ച് നടക്കും. ഈ കുടുംബ സംഗമത്തിലേക്ക് ഏവരെയും സ്വാഗതം ചെയ്യുന്നു.
ഒരു കാരുണ്യ യാത്ര: 1954 മുതൽ
തുടക്കം (1954): 1954 ഡിസംബർ 11-നാണ് ഈ അഗതിമന്ദിരം ആരംഭിച്ചത്. കിഴതടിയൂർ CMI ആശ്രമത്തിലെ ആദ്യ പ്രിയോർ ആയിരുന്ന ബഹുമാനപ്പെട്ട ആൻഡ്രൂസ് പുണോലിലച്ചൻ്റെ പിൻതുണയോടെയും വിൻസെൻ്റ് ഡി പോൾ സൊസൈറ്റിയുടെ തീവ്രമായ ആഗ്രഹത്താലും അഭിവന്ദ്യ മാർ സെബാസ്റ്റ്യൻ വയലിൽ പിതാവിൻ്റെ ആശീർവ്വദത്തോടെയുമാണ് തുടക്കം.
ഭരണച്ചുമതല കൈമാറ്റം:
- CMI ആശ്രമം (1955-1983): ഒരു വർഷത്തിനുശേഷം ഭരണ ചുമതല CMI ആശ്രമത്തെ ഏൽപ്പിച്ചു. ഏകദേശം 28 വർഷത്തോളം CMI ആശ്രമത്തിൻ്റെ മേൽനോട്ടത്തിലായിരുന്നു സ്ഥാപനം.
- എസ്.ഡി. സിസ്റ്റേഴ്സ് (1983 മുതൽ): പിന്നീട് ഈ ചുമതല എസ്.ഡി. (അഗതികളുടെ സഹോദരിമാരുടെ സന്യാസ സമൂഹം) സിസ്റ്റേഴ്സിനെ ഏൽപ്പിച്ചു. എസ്.ഡി. ഈ സ്ഥാപനം ഏറ്റെടുത്തിട്ട് ഇന്ന് 40 വർഷങ്ങൾ പൂർത്തിയാക്കുന്നു.
എസ്.ഡി. സിസ്റ്റേഴ്സ്: കരുണയുടെ ദൗത്യം
1927-ൽ ആലുവയ്ക്ക് അടുത്ത് ചുണങ്ങംവേലിയിൽ ധന്യൻ വർഗീസ് പയ്യപ്പിള്ളിയച്ചനാൽ സ്ഥാപിതമായ സന്യാസ സമൂഹമാണ് എസ്.ഡി. (Sisters of the Destitute). “അഗതികളും മർദ്ദിതരും ദരിദ്രരുമായ സഹോദരങ്ങൾക്ക് ക്രിസ്തുവിൻ്റെ കരുണാർദ്രസ്നേഹം പകരുക” എന്നതാണ് എസ്.ഡി.യുടെ ചൈതന്യം. ഇന്ന് അഞ്ച് ഭൂഖണ്ഡങ്ങളിലായി 13 രാജ്യങ്ങളിൽ രണ്ടായിരത്തോളം അംഗങ്ങളുമായി ഇവർ പ്രവർത്തിക്കുന്നു. ചങ്ങനാശ്ശേരി ആസ്ഥാനമായുള്ള സെയിന്റ് ജോസഫ് പ്രൊവിൻസിൻ്റെ കീഴിലാണ് ഈ സ്ഥാപനം.
ഇപ്പോഴത്തെ പ്രവർത്തനം
ഇന്ന്, ദൈവത്തിൻ്റെ അനന്തമായ പരിപാലനയിലാശ്രയിച്ചുകൊണ്ട് 60 വയസ്സിന് മുകളിലുള്ള അറുപതോളം അനാഥരും പാവപ്പെട്ടവരും രോഗികളുമായ സ്ത്രീ-പുരുഷന്മാർക്ക് ഇവിടെ സൗജന്യ പരിചരണം നൽകുന്നു. സ്വന്തമായി യാതൊരു വരുമാനമാർഗ്ഗവുമില്ലാത്ത ഈ സ്ഥാപനം സുമനസ്സുകളുടെ സഹായത്താലാണ് പ്രവർത്തിക്കുന്നത്.
നേതൃത്വം:
- പ്രൊവിൻഷ്യൽ സുപ്പീരിയർ: മദർ ദീപ്തി ജോസ് എസ്.ഡി.
- പ്രസിഡൻ്റ് & ജൂവനയിൽ ജസ്റ്റിസ് ബോർഡ് അംഗം: അഡ്വക്കേറ്റ് Sr. ജ്യോതിസ് എസ്.ഡി.
- സുപ്പീരിയർ: സിസ്റ്റർ അമല അറയ്ക്കൽ എസ്.ഡി.
എസ്.ഡി.യുടെ അത്മായ കൂട്ടായ്മയായ Friends of the Destitute ഇവിടെ സജീവമായി പ്രവർത്തിക്കുന്നു.
സമ്മേളനത്തിൽ പങ്കെടുത്തവർ :
മദർ സുപ്പീരിയർ:സിസ്റ്റർ അമല അറയ്ക്കൽ എസ് ഡി
സിസ്റ്റർ മേരി ജയിൻ എസ് ഡി
സിസ്റർ ആനീസ് വാഴയിൽ എസ് ഡി
ബിജോയ് മണർകാട്ട്
ജോസ് പാലിയേക്കുന്നേൽ
ജോബ് അഞ്ചേരിയിൽ
ഫിലിപ്പ് വാതക്കാട്ടിൽ
സോജൻ കല്ലറയ്ക്കൽ
ജോസഫ് മറ്റം
