പാലാ സെൻറ് തോമസ് ഹയർസെക്കൻഡറി സ്കൂളിൽ 2025- 2026 വർഷത്തെ പ്ലസ് വൺ വിദ്യാർത്ഥികളുടെ പ്രവേശനോത്സവം – “വരവേൽപ്പ് 2025” വർണ്ണാഭമായി ആഘോഷിച്ചു.പുതിയ സ്വപ്നങ്ങളുമായി സ്കൂൾ അങ്കണത്തിലേക്ക് എത്തിയ നവാഗതരെ അധ്യാപകരും വിദ്യാർത്ഥികളും
ഹാർദ്ദമായി സ്വാഗതം ചെയ്തു. രാവിലെ 9:30 ന് ആരംഭിച്ച ഔദ്യോഗിക ചടങ്ങുകൾക്ക് സ്കൂൾ മാനേജർ റവ. ഫാ. ജോസ് കാക്കല്ലിൽ അധ്യക്ഷത വഹിച്ചു. പാലാ മുനിസിപ്പൽ ചെയർമാൻ ശ്രീ. തോമസ് പീറ്റർ ഉദ്ഘാടനകർമ്മം നിർവ്വഹിച്ചു. സ്കൂൾ പ്രിൻസിപ്പാൾ റെജിമോൻ കെ മാത്യു, പി ടി എ പ്രസിഡൻ്റ്
വി.എം. തോമസ് എന്നിവർ പ്രസംഗിച്ചു. യോഗത്തിൽ നവാഗതരായ കുട്ടികളും അവരുടെ മാതാപിതാക്കളും സജീവമായി സംബന്ധിച്ചു.ഉച്ചതിരിഞ്ഞ് വിദ്യാർത്ഥികൾക്കായി വൈവിധ്യമാർന്ന പരിപാടികൾ സംഘടിപ്പിക്കപ്പെട്ടു. ഐസ് ബ്രേക്കിംങ് സെഷനുകൾ, ടീച്ചേഴ്സ് ഇൻട്രാക്ഷൻ, ഗാനലാപനപരിപാടികൾ, നൃത്തം, വിവിധ തരം ഗെയിമുകൾ മുതലായവ ആഘോഷങ്ങൾക്ക് മാറ്റുകൂട്ടി.
