സംസ്ഥാനത്തെ സ്കൂളുകളിൽ ഈ അധ്യയന വർഷത്തെ ക്രിസ്മസ് (രണ്ടാം പാദവാർഷിക) പരീക്ഷകൾ ഡിസംബർ 8 മുതൽ ആരംഭിക്കും. പരീക്ഷകൾ പൂർത്തിയാക്കി ഡിസംബർ 18 മുതലാണ് സ്കൂളുകൾക്ക്
ക്രിസ്മസ് അവധി ആരംഭിക്കുന്നത്. 10 ദിവസം നീളുന്ന അവധിക്ക് ശേഷം ഡിസംബർ 28-ന് സ്കൂളുകൾ വീണ്ടും തുറക്കും.
എൽ.പി. വിഭാഗം വിദ്യാർത്ഥികൾക്കുള്ള പരീക്ഷകൾ ഡിസംബർ 11 മുതൽ 17 വരെ നടക്കും.
പരീക്ഷ പൂർത്തിയാക്കി ഡിസംബർ 18-ന് സ്കൂളുകളിൽ ക്രിസ്മസ് ആഘോഷങ്ങൾ നടക്കും. ആഘോഷ പരിപാടികൾക്ക് ശേഷമായിരിക്കും വിദ്യാർത്ഥികൾ ക്രിസ്മസ്-പുതുവത്സര അവധിയിലേക്ക് പ്രവേശിക്കുന്നത്. പരീക്ഷാ തീയതികൾ പ്രഖ്യാപിച്ചതോടെ സ്കൂളുകളിൽ ആവശ്യമായ തയ്യാറെടുപ്പുകൾ പുരോഗമിക്കുകയാണ്.
