പാലാ: സെന്റ് തോമസ് ഓട്ടോണമസ് കോളേജ് പാലായിലെ ഫിസിക്സ് ഡിപ്പാർട്ട്മെന്റിന്റെ ആഭിമുഖ്യത്തിൽ സ്കൂൾ വിദ്യാർത്ഥികൾക്കായി സംഘടിപ്പിക്കുന്ന അഖില കേരള അക്കാദമിക് മത്സരമായ PHYSICA 5.0 നവംബർ 13-ന് കോളേജ് ക്യാമ്പസിൽ നടക്കും. രാവിലെ 9.30 മുതൽ വൈകിട്ട് 3 വരെ നടക്കുന്ന പരിപാടിയിൽ ഹൈസ്കൂൾ, ഹയർ സെക്കൻഡറി വിഭാഗങ്ങളിലെ വിദ്യാർത്ഥികൾക്ക് പങ്കെടുക്കാം.
വർക്കിംഗ്‌ മോഡൽ, കൊളാഷ്, എക്സ്റ്റംപർ, പ്രൊഫ. ജോൺ ജോസഫ് മാമ്പറമ്പിൽ മെമ്മോറിയൽ സയൻസ് ക്വിസ് എന്നിവയാണ് മത്സര ഇനങ്ങൾ. വിവിധ മത്സരങ്ങളിലായി ഒരു ലക്ഷം രൂപ വരെയുള്ള ക്യാഷ് പ്രൈസുകളാണ് വിജയികളെ കാത്തിരിക്കുന്നത്. കൂടുതൽ വിവരങ്ങൾക്കായി 9447064652, 8075279630 എന്ന നമ്പറിൽ ബന്ധപ്പെടുക.
ശാസ്ത്രാഭിരുചിയും സർഗാത്മകതയും ഗവേഷണ മനോഭാവവും വിദ്യാർത്ഥികളിൽ വളർത്തിയെടുക്കുക എന്ന ലക്ഷ്യത്തോടെയാണ് PHYSICA 5.0 സംഘടിപ്പിക്കുന്നത്.
